Read Siyin Chin Pianciilna 36 Bible Online

Pianciilna 36 - Siyin Chin bible

Pianciilna 36

¹Hi mite sia Edom zongh a kici, Esau ii suan le paal te ahi hi.

²Esau in Canaan numeite teenpui a: tuate sia Hit te Elon ii tanu Adah; Hiv te Zibeon tapa Anah ii tanu Oholibamah

³le Nebaioth ii suapuinu, le Ishmael ii a tanu Basemath ahi uh hi.

⁴Adah in ta Eliphaz nei a; Basemath in ta Reuel nei hi;

⁵Oholibamah in ta Jeush, Jalam le Korah nei hi. Hi teng sia Canaan ngamsung pan a nei Esau ii tapate ahi hi.

⁶Tua zawkciang Esau in a zite, a tapate, a tanute le a inn sung a teang mihingte theampo, a nganno theampo le Canaan ngam sungah a nga a neisa theampo la in a suapuipa Jacob kung pan ngamdang khat zuan khawm tek hi.

⁷Ama le Jacob te kivaak kitaa natu in a teenna ngam le lei kicing zo ngawl ahi hu in paisan hi; amate ii neisa nganno tam leih ahikom teang khawm thei nawn ngawl uh hi.

⁸Tua ahikom Edom mualtung ngam ah Esau teang hi.

⁹Hite sia Edom te ii taanghpupi Esau suan le paalte ahi hi.

¹⁰Esau in a zi Adah taw tapa khat Eliphaz nei a, Eliphaz in tapa nga nei hi: tuate sia Teman, Omar, Zepho, Gatam le Kenaz ahi hi. Tuaciang a zi dang Timna taw tapa Amalek neithua hi. Esau in a zi Basemath taw Reuel nei a, Reuel in tapa li nei hi: tuate sia Nahath, Zerah, Shammah le Mizzah ahi hi.

¹⁴Esau in Zibeon tapa Anah ii tanu Oholibamah taw tapa thum nei a: Jeush, Jalam le Korah ahi hi.

¹⁵Esau suante sia hi minamte ahi uh hi. Esau ii ta masabel Eliphaz sia a nuai a minamte ii pianna taanghpupi ahi hi. Tua minamte sia Teman, Omar, Zepho, Kenaz,

¹⁶Korah, Gatam le Amalek te ahi hi. Hite sia Esau ii zi Adah ii suan le paalte ahi hi.

¹⁷Esau ii tapa Reuel sia a nuai a minamte ii pianna taanghpupi ahi hi. Tuate sia Nahath, Zerah, Shammah le Mizzah te ahi hi. Hite sia Esau ii zi Basemath ii suan le paalte ahi hi.

¹⁸Anah ii tanu, a zi Oholibamah taw a hin Esau ii suan le paalte sia a nuai a minamte hi a: Jeush, Jalam le Korah te ahi hi.

¹⁹Hi minamte theampo sia Esau ii suan le paalte ahi hi.

²⁰Edom ngam sungah a teang ciilte sia a minam in kikhen a, tuate ii pianna sia a nuai a bangin Hor te Seir ii suan le paalte taw kinguizui hi: tuate sia Lota'n, Shobal, Zibeon, Anah, Dishon, Ezer le Dishan ahi hi.

²²Lotan sia Hori le Heman beete ii pianna taanghpupi ahi hi. (Lotan in Timna a kici suapuinumei khat nei hi.)

²³Shobal sia Alvan, Manahath, Ebal, Shepho le Onam beete ii pianna taanghpupi ahi hi.

²⁴Zibeon in tapa nii nei a, Aiah le Anah ahi hi. (Anah sia duisung ngampa ah a pa laate a cin lai in, ciktui sa te a mu pa ahi hi.)

²⁵Anah sia Dishon ii pa hi a, Hemdan, Eshban, Ithran le Cheran te ii taanghpupi ahi hi. Anah zongh in Oholibamah a kici ta numei khat nei hi.

²⁷Ezer sia Bilhan, Zaavan le Akan beete ii pianna taanghpupi ahi hi.

²⁸Dishan sia, Uz le Aran bee le phungte pianna taanghpupi ahi hi.

²⁹Edom ngamsung Hor minamte sia: Lota'n, Shobal, Zibeon, Anah, Dishon, Ezer le Dishan te ahi hi.

³¹Israel ngam sungah kumpi khat zongh a om ma in a nuai a kumpite in a kizomin Edom ngam uk uh hi: tuate sia Dinhabah khua pan Beor tapa Bela Bozrah khua pan Zerah tapa Jobab Teman ngamkhen pan Husham Avith khua pan Bedad tapa Hadad (Ama in Moab ngamsung a kisimna ah Midian te zo hi.) Masrekah khua pan Samlah Rehoboth-Ngun-tung-khua pan Shaul Achbor ii tapa Baal Hanan Pau khua pan Hadad (A zi sia Mehetabel hi a, Matred tanu, Mezahab ii tunu ahi hi.)

⁴⁰Esau sia a nuai a Edom minamte ii pianna taanghpupi hi a: tuate sia, Timna, Alvah, Jetheth, Oholibamah, Elah, Pinon, Kenaz, Teman, Mibzar, Magdiel le Iram ahi hi. Hi minamte teenna, a mun a ngam tek sia minam min zui in kilo hi.