Read Siyin Chin Pianciilna 5 Bible Online

Pianciilna 5 - Siyin Chin bible

Pianciilna 5

¹A nuai a teng sia Adam suan le paalte ahi hi. (Pathian in mihing a bitphua lai in, ama taw a kibangin vawt hi.

²Ama in pa le numei bitphua a, thupha pia in, “Mihing” ci hi.)

³Adam kum 130 a phak ciang, ama a suun tapa khat nei a, a min Seth phuak hi.

⁴Tua zawkin, Adam kum 800 nungta lai hi. Ama in ta dang zongh nei a,

⁵kum 930 a phak ciang thi hi.

⁶Seth kum 105 a phak ciang tapa Enosh nei a,

⁷tua zawkin kum 807 nungta lai hi. Ama in ta dangte zongh nei a,

⁸kum 912 a phak ciang thi hi.

⁹Enosh kum 90 a phak ciang tapa Kenan nei a,

¹⁰tua zawkin kum 815 nungta lai hi. Ama in ta dangte zongh nei a,

¹¹kum 905 a phak ciang thi hi.

¹²Kenan kum 70 a phak ciang, tapa Mahalalel nei a,

¹³tua zawkin kum 840 nungta lai hi. Ama in ta dangte zongh nei a,

¹⁴kum 910 a phak ciang thi hi.

¹⁵Mahalalel kum 65 a phak ciang, tapa Jared nei a,

¹⁶tua zawkin kum 830 nungta hi. Ama in ta dangte zongh nei a,

¹⁷kum 895 a phak ciang thi hi.

¹⁸Jared kum 162 a phak ciang, tapa Enoch nei a,

¹⁹tua zawkin kum 800 nungta hi. Ama in ta dangte zongh nei a,

²⁰kum 962 a phak ciang thi hi.

²¹Enoch kum 65 a phak ciang tapa Methuselah nei hi.

²²Tua zawkciang Enoch in Pathian taw kum 300 kithawlin, ta dangte zongh nei hi.

²³Ama sia kum 365 nungta hi.

²⁴Pathian taw a nuntak sung kithawl khawm a, tuaciang ama bo hi, banghang ziam cile Pathian in ama la hi.

²⁵Methuselah kum 187 a phak ciang, tapa Lamech nei a,

²⁶tua zawkin kum 782 nungta lai hi. Ama in ta dangte zongh nei a,

²⁷kum 969 a phak ciang thi hi.

²⁸Lamech kum 182 a phak ciang tapa khat nei a,

²⁹ama in, “TOPA ii haamsiatsa leitang tung mama panin hi tano in ih nasep haksatna theampo panin hong dawn tu hi,” ci ahikom a min Noah phuak hi.

³⁰Lamech kum 595 nungta lai hi. Ama in ta dangte zongh nei a,

³¹kum 777 a phak ciang thi hi.

³²Noah kum 500 a phak zawkciang, tapa thum nei a, Shem, Ham le Japheth ahi uh hi.