Read Siyin Chin Pianciilna 6 Bible Online

Pianciilna 6 - Siyin Chin bible

Pianciilna 6

¹Leitung theampo ah mihing kizel a, tanumeite hong piang hi,

²Van mite [2] pawlkhat in tua tanumeite phasa ahikom a dei po teenpui hi.

³Tuasia ciang TOPA in, “Mihingte sia a nuntak tawntung tu ka oai bua hi; amate cii le sa hi. Tu a kipan kum za le kul kaanin nungta ngawl tu hi,” ci hi.

⁴Tua hun sung le tua zawkciang zonghin mihing tanumeite le van mite ii suan le paal mihing thatang lian namte leitung ah om hi. Amate sia taanghlai a ngalhangte le mihing minthangte ahi uh hi.

⁵Leitung ah mihing theampo bangzata seksol a, khua ngaisut a sia bebek a nei tawntungna thu TOPA in a mu ciang,

⁶amate vawt a leitung ah a koisia khuangai hi. Ama hee mama a,

⁷“Hi ka bitphua sa mihingte, tuaciang nganhingte le vacimte zongh ka bosak siat tu hi, banghang ziam cile amate ka piansak sia ka khuangai hi,” ci hi.

⁸Ahizong Noah tungah TOPA lungkim hi.

⁹Hi sia Noah taanghthu ahi hi. Ama in tapa thum nei a, Shem, Ham le Japheth te ahi hi. Noah in khialna nei ngawl a, ama ii hun lai in ama bekma mipha om hi. Pathian taw kithawlin nungta a,

¹¹ahizong mi theampo Pathian muna ah a sia hi a, koima po ah ngoltol ngamtatna kizel hi.

¹²Pathian in leitung en a, a sia in mu hi, banghang ziam cile mihing theampo siatna taw kidim in nungta hi.

¹³Pathian in Noah tungah, “Mihing theampo bosak tu in ka khensat zo hi. Leitung sia amate ngoltolna taw kidim ahikom amate ka mon siat tu hi.

¹⁴Nang atu in thingpha taw teambaw khat vawt in a; a sungah inndoite vawtin, a sung a pua thingnaai taw zut in.

¹⁵Tuasia metre 133 a sau, metre 22 a zai, le metre 13 a saangin vawt in.

¹⁶Teambaw khuvum vawt in a, a khuvum le a pangh te kilaklaw centimetre 44 vangsak in. Dawl thum in vawt in a, a pangh ah kongkha khat koi in.

¹⁷Nuntakna a nei theampo a lalcip tu in leitung ah tuipi ka liimsak tu hi. Leitung a om theampo thi siat tu a,

¹⁸ahizong nang taw thuciamna khat ka vawt tu hi. Teambaw sungah na zi, na tapate le a zite taw tum vun.

¹⁹Amate a nuntak natu in, nganhing namcinte le vacim namcinte sung pan anu khat le apa khat veu la in teambaw sungah khum in.

²¹Noma le tua teng atu in an namcinte zongh la in khol in,” ci hi.

²²Pathian thupiak bangin Noah in na theampo vawt siat hi.