Read Siyin Chin 1 Khangtaanghthu 2 Bible Online

1 Khangtaanghthu 2 - Siyin Chin bible

1 Khangtaanghthu 2

¹Jacob in tapa sawm le nii nei hi: Reuben, Simeon, Levi, Judah, Issachar, Zebulun,

²Dan, Joseph, Benjamin, Naphtali, Gad le Asher te hi.

³Judah in tapa a vekpi nga nei hi. Canaan numei a zi Bathshua taw tapa thum nei hi: Er, Onan le Shelah te ahi uh hi. A tapa lianbel Er sia ngilo lei ahikom TOPA in that hi.

⁴A monu Tamar taw Judah in tapa nii nei thua a, Perez le Zerah ahi uh hi.

⁵Perez in tapa nii nei a Hezron le Hamul ahi uh hi.

⁶A suapui pa Zerah in tapa nga nei hi: Zimri, Ethan, Heman, Calcol le Darda ahi uh hi.

⁷Zerah ii suan le paalte khat ahi Carmi ii tapa Achan in TOPA atu a ki aapsa ngal sung pan a kilaak vanhte a kep manin Israel mite tuasiatna thuaksak hi.

⁸Ethan in tapa khat nei a, Azariah ahi hi.

⁹Hezron in tapa thum nei hi: Jerahmeel, Ram le Caleb ahi uh hi.

¹⁰Ram khang panin Jesse khang dong sia a nuai a bang ahi hi: Ram, Amminadab, Nahshon (Judah nam sung pan a minthang khat)

¹¹Salmon, Boaz,

¹²Obed le Jesse te hi.

¹³Jesse in tapa sali nei hi. A lianbel pan a nobel ah: Eliab, Abinadab, Shammah,

¹⁴Nethanel, Raddai,

¹⁵Ozem le David te hi.

¹⁶Ama in tanu nii zongh nei in, Zeruiah le Abigail te hi. Jesse ii tanu Zeruiah in tapa thum nei hi: Abishai, Joab le Asahel te hi.

¹⁷A tanu dang ahi Abigail in Ishmael ii suan ahi Jether teenpui a, amate in Amasa kici tapa khat nei hi.

¹⁸Hezron ii tapa Caleb in Azubah teenpui a, Jerioth kici tanu khat nei hi. Tua nu in tapa thum nei hi: Jesher, Shobab le Ardon te hi.

¹⁹Azubah a thi zawkciang Caleb in Ephrath teenpui a, Hur kici tapa khat nei hi.

²⁰Hur ii tapa sia Uri hi in, a tupa sia Bezalel ahi hi.

²¹Heron in kum 60 a phak ciang Machir ii tanu, Gilead ii suapuinu teenpui hi. Amate in Segub kici tapa khat nei a,

²²Segub in Jair kici tapa khat nei hi. Jair in Gilead ngam ah khuapi 23 uk hi.

²³Ahihang Geshur le Aram kumpi ngamte in tua munah khua 60 zothal a, tuasung ah Jair le Kenath khuanote le a kiim a khuate kihel hi. Tua munah a teang mite theampo sia Gilead ii pa Machir ii suan le paalte ahi uh hi.

²⁴Hezron thi zawkciang a tapa Caleb in a pa ii zi meingongnu Ephrath teenpui hi. Amate in Ashhur kici tapa khat nei a, Ashhur sia Tekoa khua saatpa ahi hi.

²⁵Hezron ii tapa lianbel Jerahmeel in tapa nga nei hi: a lianbel sia Ram hi a, Bunah, Oren, Ozem, le Ahijah te hi.

²⁶Ram in tapa thum nei hi: Maaz, Jamin le Eker te ahi uh hi. Jerahmeel in Atarah kici zi dang khat nei a, amate in Onam kici tapa khat nei hi.

²⁷

²⁸Onam in tapa nii nei a, Shammai le Jada te ahi uh hi. Shammai zongh in tapa nii nei a, Nadab le Abishur te hi.

²⁹Abishur in Abihail kici numei khat teenpui in tapa nii, Ahban le Molid nei uh hi.

³⁰Abishur ii suapuipa Nadab in tapa nii Seled le Appaim nei a, ahihang Seled sia tapa nei ngawlin thi hi.

³¹Appaim sia Ishi ii pa hi a, Ishi sia Sheshan ii pa hi in, Sheshan sia Ahlai ii pa ahi hi.

³²Shammai ii suapuipa Jada in tapa nii, Jether le Jonathan nei hi, ahihang Jether sia tapa nei ngawlin thi hi.

³³Jonathan in tapa nii, Peleth le Zaza nei hi. Hite theampo sia Jerahmeel ii suan le paalte ahi uh hi.

³⁴Sheshan in tapa nei ngawlin, tanu bebek nei hi. Ama in Egypt mi Jarha kici naseam khat nei a,

³⁵tuasia pa le a tanute khat teangsak hi. Amate in Attai kici tapa khat nei hi.

³⁶Attai khang pan Elishama khang dong sia a nuai a bang ahi hi: Attai, Nathan, Zabad,

⁴¹Jekamiah le Elishama te hi.

⁴²Jerahmeel ii suapuipa Caleb ii tapa lianbel sia Mesha kici hi. Mesha sia Ziph ii pa, Ziph sia Mareshah ii pa, Mareshah sia Hebron ii pa ahi hi.

⁴³Hebron in tapa li nei hi: Korah, Tappuah, Rekem le Shema te ahi uh hi.

⁴⁴Shema sia Raham ii pa hi a, Jorkeam ii pu ahi hi. Shema ii suapuipa Rekem sia Shammai ii pa hi.

⁴⁵Shammai sia Maon ii pa hi a, Maon sia Bethzur ii pa hi.

⁴⁶Caleb in Ephah kici zino khat nei a, tua nu taw tapa thum nei thua hi: Haran, Moza le Gazez te hi. Haran zongh in Gazez kici tapa khat nei hi.

⁴⁷(Jahdai a kici pa in tapa luk nei hi: Regem, Jotham, Geshan, Pelet, Ephah le Shaaph te hi.)

⁴⁸Caleb in zino dang Maacah nei in tua nu taw tapa nii nei a, Sheber le Tirhanah te hi.

⁴⁹Tua zawkciang tua nu in tapa nii nei thua a: Madmannah khua saat pa Shaaph; Machbenah le Gibea khua saat pa Shevah ahi uh hi. Caleb in Achsah kici tanu khat nei thua hi.

⁵⁰A nuai a teng zongh Caleb ii suan le paalte ahi uh hi. Caleb le a zi Ephrath ii a tapa lianbel sia Hur hi. Hur ii tapa Shobal in Kiriath Jearim,

⁵¹a tapa niina Salma in Bethlehem khua, tuaciang a tapa thumna Hareph in Bethgader khua saat tek hi.

⁵²Kiriath Jearim khua a saat Shobal sia Haroeh mite, Menuhoth ah a teangte a lang,

⁵³tuaciang Kiriath Jearim ah a teang a nuai a bee le phung teng: Ithri te, Puth te, Shumath te le Mishrai te ii taanghpupi hi. (Zorah le Eshtaol khuapi mite sia hi bee le phungte ii mite hi.)

⁵⁴Bethlehem khuasaatpa Salma sia Netophath, Atroth Beth Joab le Zor mite ii taanghpupi hi a, Zor te sia tua Manahath ah a teang bee le phung nam nii sung pan nam khat hi.

⁵⁵(Jabez khua ah a nuai a lai at thiamte le laikuu thiam bee le phung teng: Tirath, Shimeath le Sucath te teang uh hi. Amate sia Rechab mite taw zi le pasal in a kiman Ken mite ahi hi.)