Read Siyin Chin 1 Khangtaanghthu 25 Bible Online

1 Khangtaanghthu 25 - Siyin Chin bible

1 Khangtaanghthu 25

¹David kumpipa le Levi lampuite in a nuai a Levi bee le phungte sia biakna lampui tu in teal a: Asaph, Heman, le Jeduthun te ahi hi. Amate sia tengtongh le daalkopsai tumna taw thua in Pathian thu thangsak tute ahi hi. Hi sia in a pawl sim ii biakna vawtzia zui a, lampui tu in a kiteal mihingte min tepteena ahi hi:

²Asaph tapa li teng: Zaccur, Joseph, Nethaniah, le Asharelah te ahi hi. Amate sia Asaph khutnuai hi a, ama sia kumpipa ii thupiak simin Pathian thu a thangsak pa hi.

³Jeduthun ii tapa luk teng: Gedaliah, Zeri, Jeshaiah, Shimei, Hashabiah, le Mattithiah te ahi hi. A pa sawl bangin amate in tengtongh te tum kawmin Pathian thu thangsak a, TOPA tungah pokna le lungdamkona lasak uh hi.

⁴Heman tapa sawm le li teng: Bukkiah, Mattaniah, Uzziel, Shebuel; Jerimoth, Hananiah, Hanani, Eliathah, Giddalti, Romamti Ezer, Joshbekashah, Mallothi, Hothir, le Mahazioth te ahi hi.

⁵Pathian in a kamciamsa om bangin kumpipa ii kamsaangpa Heman tungah vaang a piakna in hi tapa sawm le li, le tanu thum te zongh pia hi.

⁶Biakinn biak kikhopna ah a pa sawl bangin lampui in a tapate theampo in tengtongh le daalkopsai te tum uh hi. Asaph, Jeduthun, le Heman te sia kumpipa thupiak bangin ngamta uh hi.

⁷Hi pasal 24 sia a vekpi in music vai a thiam mamate ahi hi; tuaciang a nasep pui Levi te sia music sinsa te veu hi. A vekpi in pasal 288 pha hi.

⁸Nasep a kisee ciang khangmoi ahizong, khanghaam ahizong, a thiam sate ahibuale, a sin tuungte ahizong a vekpi in lai meetang sawk tek hi.

⁹Tua pasal 288 te sia a innkuan zui in mihing sawm le nii tek a pha pawl 24 in kikhen a, pawl khat simin lampui khat in uk hi. A nuai a bangin a pawl a pawlin naseam a: 1. — Asaph ii innkuan pa Joseph 2. — Gedaliah 3. — Zaccur 4. — Zeri 5. — Nethaniah 6. — Bukkiah 7. — Asharelah 8. — Jeshaiah 9. — Mattaniah 10. — Shimei 11. — Uzziel 12. — Hashabiah 13. — Shebuel 14. — Mattithiah 15. — Jerimoth 16. — Hananiah 17. — Joshbekashah 18. — Hanani 19. — Mallothi 20. — Eliathah 21. — Hothir 22. — Giddalti 23. — Mahazioth 24. — Romamti Ezer te ahi hi.