Read Siyin Chin 1 Khangtaanghthu 26 Bible Online

1 Khangtaanghthu 26 - Siyin Chin bible

1 Khangtaanghthu 26

¹Hite sia biakinn a cing Levi te ii nasep kiseena ahi hi. Korah bee le phung panin Asaph innkuanpui Kore tapa Meshelemiah om hi.

²Ama in tapa sali nei a, a piankum zui in: Zechariah, Jediael, Zebadiah, Jathniel,

³Elam, Jehohanan, le Eliehoenai te ahi hi.

⁴Tapa liat piakna taw Pathian ii thupha a piak Obed Edom zongh om a, tua a tapate sia a piankum zui in: Shemaiah, Jehozabad, Joah, Sachar, Nethanel,

⁵Ammiel, Issachar, le Peullethai te ahi uh hi.

⁶Obed Edom ii tapa lianbel Shemaiah in tapa luk nei a: Othni, Rephael, Obed, Elzabad, Elihu, le Semachiah te ahi hi. Amate sia thiamna lian a nei uh hu in a bee le phung sungah mihing thupite ahi hi; a khakte nii sia thiam tuan hi.

⁸Hi nasepna ah Obed Edom innkuan in a thiam mama sa mihing a vekpi in 62 pia hi.

⁹Meshelemiah ii innkuan in a thiamsa mihing sawm le liat pia hi.

¹⁰Merari bee le phung pan Hosah om in, ama in tapa li nei a: Shimri (a tapa lianbel ahi ngawl hang a pa in lampui pia hi),

¹¹Hilkiah, Tebaliah, le Zechariah te ahi hi. Hosah innkuan sung pan biakinn cingte sia a vekpi in sawm le thum pha hi.

¹²Levi dangte bangma in biakinn cingte sia innkuan zui in a pawlin kikhen a, Biakinnpi nasep kisee hi.

¹³Kongpi koisia akua in cing tu cisia innkuan tam le tawm ci tuan ngawlin innkuan simin lai meetang sawk hi.

¹⁴Shelemiah in nisuana sang kongpi, tuaciang ngual tungah ngaisutna pha a pia tawntung a tapa Zechariah in saksang kongpi nga hi.

¹⁵Obed Edom sia thangsang kongpi, tuaciang a tapate sia vanh kholna inndoite kicingsak hi.

¹⁶Shuppim le Hosah te sia nitumna sang kongpi le lam tungnung ah a om Shallecheth Kongpite kicingsak hi. Kong cin vaipuak sia a hun a hun in kisee hi.

¹⁷Nisuana sangah ni simin kongcing luk, saksang ah li, tuaciang thangsang ah li kisee hi. Vanh kholna inndoite sia ni sim a cing li kikoi a, inndoi khat mihing nii veu in cing hi.

¹⁸Nitumna sang a om vanh kholna inndoi nai lampi hui ah a cing li om a, inncing tatak sia nii om hi.

¹⁹Hisia Korah le Merari bee le phung te ii kongcing nasep kiseena ahi hi.

²⁰A Levi mipui dangte in biakinn sum kholna le Pathian tungah a ki aap letsongte koina inndoite uk hi.

²¹Gershon tapate khat ahi Ladan sia innkuan pawl tam mama te ii taanghpupi hi a, a tapa Jehiel ii innkuan zongh kihel hi.

²²Ladan tapa dangte nii ahi Zetham le Joel sia biakinn sum kholna le vanh kholna inndoite uk hi.

²³Amram, Izhar, Hebron, le Uzziel ii suan le paalte tung zongh ah nasepte kisee hi.

²⁴Moses tapa Gershom bee le phung pan Shebuel sia biakinn sum kholna a sai ulianbel hi.

²⁵Gershom ii suapui Eliezer taw kisai in ama sia Shelomith taw kimealhe hi. Eliezer sia Jeshiah ii pa ahi Rehabiah ii pa, Joram ii pa, Zichri ii pa, Shelomith ii pa hi.

²⁶Shelomith le a innkuanpuite in Pathian tungah David kumpipa, bangkua pabelte, bee le phungte ii lampuite le ngalkap bute ii a aaptuam letsongte theampo keamcing hi.

²⁷Amate in ngalsimna pan a laaksak vanhte pawlkhat la in Biakinnpi ah zak tu in aaptuam uh hi.

²⁸Shelomith le a innkuan sia Biakinnpi sung zak tu in a ki aaptuam hi vanhte theampo a saipa hi in, tua ii sungah kamsaang Samuel, Saul kumpipa, Ner tapa Abner, le Zeruiah tapa Joab te ii a puak letsongte zongh kihel hi.

²⁹Izhar ih suan le paalte sung pan Chenaniah le a tapate sia ki ukna nasepte kisee a: thu tepteena laibute kepcingna le Israel mite thu kineinate ah thukhensak nasepte ahi hi.

³⁰Hebron ii suan le paalte sung pan Hashabiah le a mealheak a kikhai tuam pasal 1,700 te sia Jordan ngun nitumna sang Israel ngam ah biakna paaina vai theampo le mipite ii vai theampo ki ukna ah a vaihawmte ahi hi.

³¹Jeriah sia Hebron suan le paalte lampuipa hi. David ii kumpi a sep zawk a kum 40 kum in Hebron ii suan le paal innkuan khangngui a kikat ciang hi innkuan sung pan ngalkap mindok pawlkhat Gilead ngam Jazer khua ah a teen sia kihe hi.

³²David kumpipa in Jeriah mealheakte sung pan a mindok innkuan pabel 2,700 teal a, Jordan ngun nisuana sang Israel ngam — Reuben ngam, Gad ngam le Manasseh nisuana ngam sungah biakna paaina vai le mipite ii vai theampo uksak hi.