Read Siyin Chin 1 Khangtaanghthu 7 Bible Online

1 Khangtaanghthu 7 - Siyin Chin bible

1 Khangtaanghthu 7

¹Issachar in tapa li nei a: Tola, Puah, Jashub, le Shimron te ahi hi.

²Tola in tapa luk nei a: Uzzi, Rephaiah, Jeriel, Jahmai, Ibsam, le Shemuel te ahi hi. Amate Tola bee le phung sung innkuan lutangte vive hi in ngalkap minthangte ahi uh hi. Amate suan le paal sia David kumpipa hun lai in 22,600 pha hi.

³Uzzi in tapa khat nei a, Izrahiah hi. Izrahiah le a tapa lite ahi, Michael, Obadiah, Joel, le Isshiah te a vekpi in innkuan lutangte ahi uh hi.

⁴Amate in zi tam mama le ta tam mama nei a, a suan a paalte ngalkap seam thei 36,000 pha hi.

⁵Issachar nam innkuante theampo zum laibu sungah ngalkap seam thei pasal 87,000 om hi ci in kiciamtee hi.

⁶Benjamin in tapa thum nei a: Bela, Becher, le Jediael te ahi hi.

⁷Bela in tapa nga nei a: Ezbon, Uzzi, Uzziel, Jerimoth le Iri te ahi hi. Amate sia bee le phung sung innkuan lutangte le ngalkap minthangte vive ahi uh hi. A suan a paal ngalkap seam thei pasal 22,034 om hi.

⁸Becher in tapa kua nei a: Zemirah, Joash, Eliezer, Eleoenai, Omri, Jeremoth, Abijah, Anathoth le Alemeth te ahi hi.

⁹Zum laibu sungah a suan a paalte a innkuan zui in a tepteena ah ngalkap seam thei pasal 20,200 om hi.

¹⁰Jediael in tapa khat Bilhan nei a, Bilhan in tapa sali nei a: Jeush, Benjamin, Ehud, Chenaanah, Zethan, Tarshish, le Ahishahar te ahi hi.

¹¹Amate theampo sia bee le phung sung innkuan lutangte le ngalkap minthangte veu ahi uh hi. Amate ii suan le paal sungah ngalkap seam thei pasal 17,200 om hi.

¹²Shuppim le Huppim zongh hi namte ahi hi. Dan in tapa khat, Hushim nei hi.

¹³Naphtali in tapa li nei a: Jahziel, Guni, Jezer, le Shallum te ahi hi. (Amate sia Bilhah ii suan le paalte ahi hi.)

¹⁴Manasseh in a zino Aramean taw tapa nii nei in, Asriel le Machir te ahi uh hi. Machir sia Gilead ii pa hi.

¹⁵Machir in Huppim le Shuppim zi khat veve neisak hi. Ama suapuinu ii min Maacah hi. Machir ii tapa niina sia Zelophehad hi a, ama in tanu bek nei hi.

¹⁶Machir ii zi Maacah in tapa nii nei a, Peresh le Sheresh ci in min phuak hi. Peresh in tapa nii nei a, Ulam le Rakem te ahi uh hi,

¹⁷Ulam in Bedan kici tapa khat nei hi. Hite theampo sia Machir ii tapa, Manasseh ii tupa ahi Gilead suan le paalte ahi hi.

¹⁸Gilead suapuinu Hammolecheth in tapa thum nei a: Ishod, Abiezer, le Mahlah te ahi hi.

¹⁹(Shemida in tapa li nei a: Ahian, Shechem, Likhi, le Aniam te ahi hi.)

²⁰Hite sia Ephraim ii a khang a khangin a suan le a paalte hi: Shuthelah, Bered, Tahath, Eleadah, Tahath,

²¹Zabad, Shuthelah te ahi uh hi. Ephraim in Shuthelah ngawl tapa dang nii nei a: Ezer le Elead te ahi hi, amate sia Gath khua mite ii khui ngu tu in a kipat laitakin kithatlum hi.

²²Amate ii pa Ephraim sia ni tam ma khuangai in kap a, a heeneam tu in a mealheakte pai hi.

²³Tua zawkciang ama in a zi luppui kik a, a zi ngai in tapa khat nei hi. A innkuan sungah ngimna theng ahikom a tapa min Beriah phuak hi.

²⁴Ephraim in Sheerah kici tanu khat nei hi. Sheerah in Beth Horon Tungnung le Nuainung khuate le Uzzen Sheerah khua saat hi.

²⁵Ephraim zongh in Rephah kici tapa khat nei in, a suan a paalte a nuai a bang hi: Resheph, Telah, Tahan,

²⁶Ladan, Ammihud, Elishama,

²⁷Nun, Joshua te ahi hi.

²⁸Amate ii a laak le a teenna ngam sia Bethel le a kiim ah om khua teng, nisuana sang panin Naaran dong, nitumna sang panin Gezer le a kiim a khuate dong kihel hi. Shechem le Ayyah khuapite le a kiim ah khuate zongh kihel hi.

²⁹Manasseh suan le paalte in Beth Shean, Taanach, Megiddo le Dor, le a kiim ah khuate uk hi. Hite theampo Jacob ii tapa Joseph ii suan le paalte teenna munte hi.

³⁰Hite sia Asher ii suan le paalte hi. Asher in tapa li nei a: Imnah, Ishvah, Ishvi, Beriah te hi a; tuaciang Serah kici tanu khat nei hi.

³¹Beriah in tapa nii nei in, Heber le Malchiel te ahi uh hi. (Malchiel in Birzaith khuapi saat hi.)

³²Heber in tapa thum nei a: Japhlet, Shomer, le Hotham te hi a; tuaciang Shua kici tanu khat nei hi.

³³Japhlet zongh in tapa thum nei a: Pasach, Bimhal, le Ashvath te hi.

³⁴A suapuipa Shomer in tapa thum nei a: Rohgah, Jehubbah, le Aram te ahi hi.

³⁵A suapuipa Hotham in tapa li nei a: Zophah, Imna, Shelesh, le Amal te hi.

³⁶Zophah suan le paalte sia Suah, Harnepher, Shual, Beri, Imrah,

³⁷Bezer, Hod, Shamma, Shilshah, Ithran, Beera te ahi uh hi.

³⁸Jether ii suan le paalte sia Jephunneh, Pispa le Ara,

³⁹tuaciang Ulla ii suan le paalte sia Arah, Hanniel, Rizia te ahi uh hi.

⁴⁰Hite theampo sia Asher ii suan le paalte ahi uh hi. Amate sia innkuan lutangte veu hi in, ngalsim minthang le lampui thiamte veu ahi uh hi. Asher ii suan le paalte sungah ngalkap seam thei pasal 26,000 om hi.