Read Siyin Chin Nehemiah 10 Bible Online

Nehemiah 10 - Siyin Chin bible

Nehemiah 10

¹A min a thu masabel sia Hacaliah ii tapa ngamukmang Nehemiah hi a, tua zawkciang Zedekiah in a minthu hi. A nuai a te zongh in a minthu uh hi:

²Seraiah, Azariah, Jeremiah, Pashhur, Amariah, Malchijah, Hattush, Shebaniah, Malluch, Harim, Meremoth, Obadiah, Daniel, Ginnethon, Baruch, Meshullam, Abijah, Mijamin, Maaziah, Bilgai le Shemaiah.

⁹Azaniah ii tapa Jeshua, Henadad bee le phung Binnui, Kadmiel, Shebaniah, Hodiah, Kelita, Pelaiah, Hanan, Mica, Rehob, Hashabiah, Zaccur, Sherebiah, Shebaniah, Hodiah, Bani, le Beninu.

¹⁴Parosh, Pahath Moab, Elam, Zattu, Bani, Bunni, Azgad, Bebai, Adonijah, Bigvai, Adin, Ater, Hezekiah, Azzur, Hodiah, Hashum, Bezai, Hariph, Anathoth, Nebai Magpiash, Meshullam, Hezir, Meshezabel, Zadok, Jaddua, Pelatiah, Hanan, Anaiah, Hoshea, Hananiah, Hasshub, Hallohesh, Pilha, Shobek, Rehum, Hashabnah, Maaseiah, Ahiah, Hanan, Anan, Malluch, Harim, le Baanah ahi uh hi.

²⁸Ko, Israel mite, thiampite, Levi te, biakinn cingte, biakinn music thiamte, biakinn naseamte le a dangte theampo in Pathian Thukham a zuina in ih ngam sungah a teang ngamdangmite kung pan ka tuam om zawk uh ciang, ka zite le, khua hesa ka tate theampo in,

²⁹hong lampuite taw mun khat ah kingawmin, tuasia ka paltan uh le, haamsiatna daan thuak tu in, Pathian ii Moses tungtawn a, a piak Pathian Thukham bang ka nungta tu ci in kiciam khu hi; TOPA ii thupiak theampo zui tu le, a thukham le a ngeina theampo zui tu in hi kiciamna ka vawt khawm uh hi.

³⁰Ih ngam sungah a teang ngamdangmite taw ka kiteangthaang buatu uh hi.

³¹Ngamdangmite in Sabbath ni ahibuale a thiangtho ni khat pawpo ah antang le a dang na khat pawpo hong zuak le ka lei buatu uh hi. Kum sali a cin simin lo ka tho buatu uh a, leiba theampo ka bosak tu uh hi.

³²Kum simin Biakinnpi sum zaknate ah mi simin ngunntang gram 5 veu ka pia tu uh hi.

³³Kote in biakinn biakpiak natu in a nuai a teng a thiangtho anluum, ni sim biakpiakna antang, ni sim biakpiakna ah a kihal tu ngannote, Sabbath te atu in a thiangtho sumpite, Tha Thak Poaite le a dang poaite, a dang a thiangtho biakpiaknate, Israel te mawphel natu biakpiaknate, le Biakinnpi atu a kisamh nadang theampo ka pia tu uh hi.

³⁴Kote, mipite, thiampite, le Levi te in zui tu thukham sungah a om bangin TOPA ih Pathian tungah sangaw biakpiaknate a kihal ciang akua bee le phungte in thing si tu ziam a khensat natu in kum simin lai meetang ka sawk tu uh hi.

³⁵Kote in kum simin ka laak uh anpal le thingnga minciilte, Biakinnpi ah biakpiakna in ka paipui tu uh hi.

³⁶Thukham sung a om bangin Biakinnpi sung thiampite kungah ka tapa suakciil tek paipui in, Pathian tungah ka aap tu uh hi. Kote in ka khui, ka tuu ahibuale ka keal khat sim pan a no suakciil teng zongh ka aap tu uh hi.

³⁷Kote in Biakinnpi sung thiampite kungah kum simin a tungciil antang taw a kivawt anvui muhlom, le biakpiak natu a dang sapittui, olive thau, le thingnga namcin teng ka paipui tu uh hi. Ko lotho khuate ah sawm a khat sumpi a dong Levi te tungah ka leitang tung pan a piang sawm a khat ka pia tu uh hi.

³⁸Aaron suan thiampite sia sawm a khat sumpi a kikhon ciang Levi te taw kingawm tu a, Levi te khonsa tua sumpi teng sung pan sawm a khat sia Biakinnpi zak tu in biakinn vanh kholna inndoite ah Levi te in paipui tu hi.

³⁹Israel mite le Levi te in a kipia an, sapittui le olive thaute Biakinnpi vanhzakte kepna vanh kholna inndoite le thiampite nasepna mun, biakinn cingte le biakinn music thiamte omna inndoite ah tua tu uh hi. Eite in ih Pathian innpi ih ngaingon buatu hi.