Read Siyin Chin Nehemiah 7 Bible Online

Nehemiah 7 - Siyin Chin bible

Nehemiah 7

¹Tu in luphung cian kik kiman zo a, kongpite kibul siatin biakinn cingte, a thiangtho biakna lasa pawlte le a dang Levi te a nasep tek kihawmsak zo hi.

²Jerusalem khuapi a uk tu in mihing nii ka koi a, ka suapuipa Hanani le kulhpi a uk ngalkapmangpa Hananiah ahi hi. Hananiah sia a muanhuai le Pathian a kiita khat hi a, kuama taw kibang ngawl hi.

³Amate tungah, Jerusalem kongpite zingsang nisua zawk mateng a kihon ngawl natu le nitum ciang kongcingte a cia ma in kongpi a kha natu in ka sawl hi. Amate tungah Jerusalem ah a teang mite sung pan khuapi cingte panmun pia a, pawlkhat sia a kisamh na munte ah, a dangte sia amate innhuang tek a cing tu in a koi natu zongh ka vaitha hi.

⁴Jerusalem sia khuapi lian khat hi napi a sungah mihing tam teang ngawl a, inn tam kisa ngawl lai hi.

⁵Mipite, a lampuite le a uliante kaikhawm tu le, a innkuan sung mihing tepteena lai sit tu in Pathian in ka thin hong thawn hi. Saltanna pan hong cia masabelte tepteenate ka mu a, a nuai a bang ahi hi:

⁶Saltaang tam mamate in Babylon ngam nusia in amate khuapi tek ahi, Jerusalem le Judah ah ciakik uh hi. A innkuanpuite sia Nebuchadnezzar kumpipa ii amate thongtaak tu a, a paipui pan kipan Babylon ah saltaangin teang uh hi.

⁷A lampuite sia Zerubbabel, Joshua, Nehemiah, Azariah, Raamiah, Nahamani, Mordecai, Bilshan, Mispereth, Bigvai, Nehum le Baanah ahi uh hi.

⁸Saltanna pan a cia kik Israel bee le phungte sung pan mihing phaza tek sia hi bang ahi hi: Parosh — 2,172 Shephatiah — 372 Arah — 652 Pahath Moab (Jeshua le Joab suan le paalte) — 2,818 Elam — 1,254 Zattu — 845 Zaccai — 760 Binnui — 648 Bebai — 628 Azgad — 2,322 Adonikam — 667 Bigvai — 2,067 Adin — 655 Ater (Hezekiah zongh kici) — 98 Hashum — 328 Bezai — 324 Hariph — 112 Gibeon — 95

²⁶A taanghpupite teenna a nuai a khuate pan mite zong ciakik hi: Bethlehem le Netophah — 188 Anathoth — 128 Beth Azmaveth — 42 Kiriath Jearim, Chephirah le Beeroth — 743 Ramah le Geba — 621 Michmash — 122 Bethel le Ai — 123 A dang Nebo — 52 A dang Elam — 1,254 Harim — 320 Jericho — 345 Lod, Hadid le Ono — 721 Senaah — 3,930

³⁹Saltanna pan a cia kik thiampi bee le phungte tepteena lai hi bang ahi hi: Jedaiah (Jeshua suan le paalte) — 973 Immer — 1,052 Pashhur — 1,247 Harim — 1,017

⁴³Saltanna pan a cia kik Levi bee le phung teng: Jeshua le Kadmiel (Hodaviah ii suan le paalte) — 74 Biakinn music thiamte (Asaph ii suan le paalte) — 148 Biakinn cingte (Shallum, Ater, Talmon, Akkub, Hatita le Shobai ii suan le paalte) — 138

⁴⁶Saltanna pan a cia kik Biakinn naseamte ii bee le phung teng: Ziha, Hasupha, Tabbaoth, Keros, Sia, Padon, Lebana, Hagaba, Shalmai, Hanan, Giddel, Gahar, Reaiah, Rezin, Nekoda, Gazzam, Uzza, Paseah, Besai, Meunim, Nephushesim, Bakbuk, Hakupha, Harhur, Bazlith, Mehida, Harsha, Barkos, Sisera, Temah, Neziah le Hatipha.

⁵⁷Saltanna pan a ciakik Solomon naseamte ii bee le phung teng: Sotai, Sophereth, Perida, Jaalah, Darkon, Giddel, Shephatiah, Hattil, Pochereth Hazzebaim le Amon.

⁶⁰Saltanna pan a ciakik biakinn naseamte ii suan le paalte le Solomon ii naseamte ii suan le paalte a vekpi in 392 pha uh hi.

⁶¹Delaiah, Tobiah le Nekoda bee le phungte pan 642 om a, Tel Melah, Tel Harsha, Cherub, Addon le Immer khua pan a ciakikte hi; ahihang amate in Israel suan le paal te a hina lak thei ngawl uh hi.

⁶³A taanghpupite ii khangngui tepteena lai a lak tu a mu zo ngawl thiampi bee le phungte sia a nuai a teng hi: Hobaiah, Hakkoz le Barzillai te hi. (Barzillai thiampi bee le phung ii taanghpupi in Gilead mi Barzillai bee le phung numei khat teenpui a, a sunghpa min la ahikom Barzillai bee le phung kici hi.) A taanghpupite pianna lak thei ngawl ahikom amate thiampi in kisaang ngawl hi.

⁶⁵Judah ngamukmangpa in Urim le Thummim a zangh thei thiampi khat a om mateng in Pathian tungah a kipia ante, ne thei ngawl tu nu hi, ci in amate son hi.

⁶⁶saltanna pan a ciate a vekpi in — 42,360 A naseamte pa le numei — 7,337 Music thiam pa le numei — 245 Siphu — 736 Laa — 245 kalaoh — 435 Laano — 6,720 pha uh hi.

⁷⁰Mihing tam mama in Biakinnpi sakkik natu in na manphate a nuai a bangin pia uh hi. Ngamukpa in — khamh kilogramme - 8 — biakpiakna uum le beal 50 — thiampi puan 530 Bee lutangte in — khamh kilogramme 168 — ngunn kilogramme 1,250 A taanglai mipite in — khamh kilogramme 168 — ngunn kilogramme 140 — thiampite atu puan 67

⁷³Thiampite, Levi te, biakinn cingte, music thiamte, mi nautaang tam mamate, biakinn naseamte - Israel mite theampo — Judah ngamsung khuate le khuapi te ah teang uh hi.