Read Siyin Chin Pusuana 1 Bible Online

Pusuana 1 - Siyin Chin bible

Pusuana 1

¹Egypt ah a innkuan puite tek le Jacob taw a pai, Jacob tapate sia,

²Reuben, Simeon, Levi, Judah,

³Issachar, Zebulun, Benjamin,

⁴Dan, Naphtali, Gad le Asher ahi hi.

⁵Jacob suan hi mite a vekpi in 70 pha hi. A tapa Joseph sia Egypt ah omkhol zo hi.

⁶Khua hong ngei vaial ciang Joseph, a suapuite le a khanngual a om laite theampo thi siat hi,

⁷ahizong amate suan le paal Israel te in ta tam mama nei in pung a, Egypt ngam sungah dimin thahat mama uh hi.

⁸Tua zawkciang Joseph ii thu a he ngeingawl kumpi thak khat Egypt ngam ah hong khang hi.

⁹Ama in a mite tungah, “Hi Israel te pung mama in, thahat ahiciang ei atu in lauhuai hi.

¹⁰Ngal om luilam thong le, ei hong sim tu in ih ngalte taw kipawl in, ngamsung pan suakta tha tu hi. Amate hong tam vaial ngawl natu in, ih khaam zawk natu lampi zong tawng,” ci hi.

¹¹Tua ahikom, Egypt te in a thinno thei natu in nasep ham seamsak a, amate tungah sila ukte koi hi. Kumpipa an khol natu in Israel te in Pithom le Rameses khuapite saat uh hi.

¹²Ahizong Egypt te in Israel te a nenniam vaial ciang, Israel te pung vaial in, ngamsung teng ah kizel seseam hi. Egypt te in Israel te hong kiita hi,

¹³tuaciang nuntak man om ngawl za dongin zawthawk vawt a, sal ngimngate suaksak uh hi. Amate in a inn saknate ah le a lote sungah naseamsakin, hesuak vet ngawl uh hi.

¹⁵Tuaciang Egypt kumpipa in Hebrew nupite nausuaksak syama niite ahi, Shiphrah le Puah tungah thu sonpui hi.

¹⁶Ama in, “Hebrew nupite nau na suasak uh ciang, a nau sia pa ahile thatlum vun a; ahizong numei ahile nungtasak vun,” ci hi.

¹⁷Ahizong nausuaksak syamate in Pathian kiita ahikom kumpipa thu ni ngawl hi; amate in panote nungtasak hi.

¹⁸Tuaciang kumpipa in nausuaksak syamate samin thu dongh a, “Banghang hi bang ngamta nu ziam? Banghangin panote nungtasak nu ziam?” ci hi.

¹⁹Amate in, “Hebrew numeite Egypt numeite taw kibang ngawl hi; amate ol takin nausuak a, ko thet ma in a nau suak zo uh hi,” ci in zo uh hi.

²⁰Nausuaksak syamate in Pathian kiita ahikom, Pathian amate tungah pha in, amate suan le paal pia in innkuan tek neisak hi. Tuaciang Israel te pung tawto in, thahat hi.

²²A khakbel ciang kumpipa in a mite theampo thupia a: “Hebrew pano suaktuung theampo la vun a, Nile ngun sungah vawk vun, ahizong numei theampo nungtasak vun,” ci hi.