Read Siyin Chin Job 11 Bible Online

Job 11 - Siyin Chin bible

Job 11

¹Hi nawnsan thute theampo kuama in zo kik ngawl tu ziam? Kam tam pauna in mihing khat a maan suaksak ziam?

³Job awng, koma in hong zo kik thei ngawl tu hong um ni ziam? Nong nunauna kammalte in kote pau ngawlin hong koi tu ziam?

⁴Na pau teng thumaan hi ci ni hi; Pathian muna ah ka thiang ci ni hi.

⁵Pathian in na kam hong zo le uuk na peu ing!

⁶Ama in ciimna nam tam a om sia nang hong son tu hi; mihingte heak zawk ngawl thuthukte a om sia nang hong son tu hi. Pathian in na kilawmna za sangin a tawm zaw daan hong pia hi.

⁷Pathian ii letna le a vaang ii a phakcia le a mongte na mu thei ziam?

⁸Van sia Pathian atu mong nei ngawl ahihang, tuasia nang bat zawk hi ngawl hi. Pathian in mithi khua he ahihang nang in na he bua hi.

⁹Pathian letna sia simlei sangin zaizaw a, tuipi sang zong zaizaw hi.

¹⁰Pathian in nangma hong manin, thusit tu in hong puak le ama a khaktan tu akua om ziam?

¹¹Pathian in akua teng mannung ngawl ci sia he hi; ama in amate tatsiatna theampo mu hi.

¹²Ngam laate a zual sa in a pian ciang mi ngoaite a ciim hong kipan tu hi.

¹³Job awng, na thin maansak in, Pathian zuan in.

¹⁴Na bangkua sung pan siatna le tatkhialna teng heam in.

¹⁵Tuasia zawkciang dinmun kho le hangsanna taw leitung vaite maingat kik in.

¹⁶Tuasia ciang, na ngimna theampo na ngaisutna pan a bosa namthuam bangin kiciamtee nawn ngawl tu hi.

¹⁷Na nuntakna sia sunkim laitak nitaang sangin taang zaw tu a, tuaciang na nuntakna a zingbel hunte zing khuavak bangin taang tu hi.

¹⁸Ngal muanna le lametna taw kidim in na nungta tu hi; Pathian in nang hong dal tu a, tawlngakna hong pia tu hi.

¹⁹Na ngalte na kiita buatu hi; mihing tam mama in huna hong ngen tu hi.

²⁰Ahihang mihing ngilote thinkiam in, a kiim a paam en tu a, tuaciang suatak natu lam om ngawl cisia mu tu hi. Amate lametna khat sia thina hong pai tu ci thu bek ahi hi.