Read Siyin Chin Job 15 Bible Online

Job 15 - Siyin Chin bible

Job 15

¹Job awng! na kammalte a hawmpi hi, a hawmpi hi!

³Miciim kuama in nang pau bangin pau ngawl hi, ama le ama tuabang khiakna nei ngawl kammalte taw a kidal om ngawl hi.

⁴Nangma ci bang suak thei thong le kuama in Pathian kiita ngawl tu a; ama tungah kuama in thungen ngawl tu hi.

⁵Na seksolna sia na pauna panin kilangh hi; na pilna kammalte taw kiseal sawm ni hi.

⁶Kei in nang kong puanil tu kul tuan bo; na pau kammal theampo taw nangma kipuanil ni hi.

⁷Nang sia mihing a piang phitbelpa kisa ni ziam? Pathian in mualte a vawt lai in om ni ziam?

⁸Pathian vaihawmnate za ku ni ziam? Mihing ciimna sia nang bek in nei kisa ni ziam?

⁹Ko ii heak ngawl thu khat pawpo na heak om tuan ngawl hi.

¹⁰Ka ciimna uh sia na pa ii pian ma in a piangte — puakkaang sa mite tung pan ka heak uh hi.

¹¹Pathian in nang heenepna hong pia hi; banghangin nolh lalai ni ziam? Ama taangin kam-uai in kamthiam taw pau khu hi.

¹²Ahihang nang na hile, patau in thin uukna taw ko nong sal hi.

¹³Pathian tungah na thin uuk a, ama na son sia hi.

¹⁴Mihing khat pawpo sia thiangtho takpi thei tu ziam? Mihing khat pawpo sia Pathian muna ah maan thei tu ziam?

¹⁵Ahang sia Pathian in a vantunglalangte ngawngawn muang ngawl hi; amate zongh ama muna ah thiangtho ngawl hi.

¹⁶Tuaciang, mite in siatna sia tui bang phetin dawn uh hi; hi hi, amate lal in mannei ngawl hi.

¹⁷Job awng, ka heak kong son sia tu in ngai in.

¹⁸Miciimte in a taanghpupite tung pan a heak uh thumaan thutak te kei hong hil zo hi, tuaciang amate in thukute seal nei ngawl uh hi.

¹⁹A ngam sungah ngamdangmi om ngawl hi; Pathian taw amate a kikhualasak tu kuama om ngawl hi.

²⁰Ngualdang a zothaw mihing seksol khat sia, a khan tawntungin ngim thuak tu hi.

²¹A lauhuai awte a nakheng sungah ciik au tu hi, ngammuang a kisak laitak phalakte in ama sim tu hi.

²²Amate in khuazing sung pan a suatak tu lametna nei ngawl hi, banghang ziam cile namsau khat in amate that tu in mun khat pan ngak hi,

²³tuaciang amate ii luang ne tu in vaciikte in ngak hi. Amate in a mailam khuazing ahi sia he a;

²⁴a thahat kumpipa khat bangin tuasiatna in amate sim tu in ngak nginge hi.

²⁵Tuasia in Pathian khuttum a ngat, Vaanglianbelpa a nalh mihing khat ii thuak tu a tangsa ahi hi.

²⁶Amate kiphasak a leedo kin uh hi; amate in thinpui takin a lum laamto a, Pathian do tu in tai uh hi.

²⁸Amate sia khuapite a la le a neite ii taisat sa innte a suan te hi a, ahihang ngal in tua khuapite le innte lalthamsak tu hi.

²⁹Amate khuangei hau ngawl tu hi; a neisa bangma kikhomsuan ngawl tu hi. A limh uhte ngawngawn bo tu a,

³⁰tuaciang amate khuazing sung pan suakta ngawl tu hi. Amate sia a baakte mei ii a kak, a paakte vui ii seamkeak thingkung te bang hi tu hi.

³¹Amate in siatna a suang tu in a mawmaw lawlawm uh le siatna sia amate ii tel hi tu hi.

³²A hun a cin ma in amate vulcip tu uh hi, thingbaak khat bangin vulin hing kik ngei nawn ngawl tu hi.

³³Amate a nga ung lai teng a pul sapitkung bang hi tu hi; amate sia a paak pul sa olive kung bang hi tu hi.

³⁴Pathian a sel mite atu in suan le paal om ngawl tu a, sumnguk taw a kisa innte kaanghmei tawk in laltham tu hi.

³⁵Hi mite sia ngual ngim piak sawm in, siatna a vawtte hi a; amate thinsung sia ngualtheam nopna taw kidim tawntung hi.