Read Siyin Chin Job 19 Bible Online

Job 19 - Siyin Chin bible

Job 19

¹Banghangin kammalte taw kei hong vawtsia tawntung nu ziam?

³Hun khat zawk hun khat kei nong selno tawntung uh a, nong vawtsiat hu in maizum ngawl nu hi.

⁴Sep khial keak ka nei zong, tua in no koibang hong nasak ziam?

⁵No hile kei sangin phazaw kisa nu hi, tuaciang ka ngimnate, ka maw hu in a piang sa nu hi.

⁶Hi sia a seam sia Pathian a hi sia mu thei ngawl nu ziam? Ama in kei hong mat natu in thaang hong sia hi.

⁷Ama ii ngongtatna lungkim ngawlin, nial leei kaleng kuama in hong ngai ngawl hi; thukhaikim ka deina in ka au sia kuama in za ngawl hi.

⁸Pathian in lampi khak zo a, ka paisuak thei bua hi; ama in khuazing sungah ka lampi seal zo hi.

⁹Ama in ka nei ka lamh theampo la siat zo a, ka minthanna siasak zo hi.

¹⁰Ama in ka ci tung mun theampo hong vel zazaan hi, ka lametna hong zunglok a, vul in a thi tu in kei hong nusia hi.

¹¹Pathian thin uukin kei tungah a thin hong so hi; ama ii ngal ciphabel bangin kei hong vawt hi.

¹²Kei hong sim tu in a ngalkaphonpite hong paisak hi; amate in kulhte to in ka tuipuan buk uumci uh hi.

¹³Ka suapuipate ii hong taisat sia Pathian ii vawt hi; Kei hong hete atu in kei sia khualmi ka suak hi.

¹⁴Ka beete le ka ngualtamhte bo siat zo hi.

¹⁵Ka inn ah zin hong tung ngeite in kei hong mangil zo hi; ka naseam numeite in khualmi khat le ngamdangmi khat bangin kei hong vawt hi.

¹⁶Naseam khat ka biapui ciang, ama tung hu ka nget ciang, hong zo ngawl hi.

¹⁷Ka zi in ka husan ngim namh zo ngawl a, ka suapuipate in hong neak ngawl uh hi.

¹⁸Patangte in hong mu ciang hong zawngsak in hong nuisan uh hi.

¹⁹Ka ngualtamh pha belte in hong et ciang hong lipkhap uh hi; ka it belte ka lang ah pang uh hi.

²⁰Ka ngute tungah ka vuntunte kaai vadul hi; a nungta valiai bekma in ka suakta hi.

²¹Note ka ngualtamhte nu hi! Hesuak mulkimna hong nei tavun! Pathian khut in kei hong vaatvawk zo hi.

²²Pathian ii kei hong vawt siat bangin, banghangin note in hong vawtsia hamtang tu nu ziam? Nong vawtsiatna uh tu za pha heu zo ngawl ziam?

²³Mihing khat in ka kammalte phawk in, laibu khat sungah ciamtee le paw oai napeu ing!

²⁴Tua ahibuale sikkhu khat taw suang tungah ka kammalte a tawntung a kip tu in khen le oai napeu ing.

²⁵Ahizong vantung ah a om khat om a, a khakbel ciang kei hong hung tu in ama hong pai tu sia ka he hi.

²⁶Natna in ka vunte a neaktum zawk ngawngawn in hi ka pumpi sia taw ma Pathian ka mu tu hi.

²⁷Ama ka mittang mama taw ka mu tu hi, tuaciang ama sia khualmi khat hi ngawl tu hi. Ka thin letna bo hi, banghang ziam cile

²⁸noma in, “Bangbangin ama ii nat natu vawt zazaan thei tu hi ziam?” na ci uh hi. Kei nong sim natu uh paulap khat na zong uh hi.

²⁹Ahihang tu in tua namsau — mawna tungah Pathian thin uukna a thengsak namsau sia kiita vun, tua hile thukhen tu khat a om sia he tu nu hi.