Read Siyin Chin Job 20 Bible Online

Job 20 - Siyin Chin bible

Job 20

¹Job awng, ka ngaisutna hong lumlet ni hi, tu in kong zo tu kaal ngakla khi hi.

³Na paunate zawnsakna kammal vive hi, ahizong kong zo natu daan he khi hi.

⁴Taanglai pek pan leitung ah mihing a kikoi ciil lai in

⁵mi ngilote khuangei a lungdam ngawl hunlam he nanak tu ni hi.

⁶Amate van nawl in khangto a, nasia khan mama ahiciang a lutang in meeikaai te dongto thei hikale

⁷ama sia leivui bangin kiseamkeak tu hi. Amate a he ngeite in amate ii thetna hawna he ngawlin a lung uh mang tu hi.

⁸Amate sia mang khat bang, zanlai mangmu bangin mangthang tu a, kimu kik ngei nawn ngawl tu hi.

⁹A teen ngeina mun pan amate bo tu hi;

¹⁰tuaciang mizawngte ii na a nguksak sia a tapate in piakik tu hi.

¹¹A pumpi moi in hat mama ngei hikale hai ngawlin leivui suak tu hi.

¹²Ama in siatna sia limsa mama a, namtui sa in a kam sungah pawlkhat muam hi.

¹⁴Ahihang a an neakte a ngil sungah a sia a khaa suak a, nguu bangma in khaa tu hi.

¹⁵Mi seksol pa in a nguktak haunate lua kik siat hi; Pathian in a ngilsung pan ngawngawn in tuate la kik hi.

¹⁶Mi ngilo pa ii a valh sia nguu taw kibang hi; tua in ngulnguu hangte tuk bangin ama thatlum hi.

¹⁷Ama sia olive thau a luang ngunte ahibuale noai le khuaitui a luang luite mu tu in nungta ngawl tu hi.

¹⁸Ama in a sepna sa theampo nusia tu a; a haunate nopsakna in nei man ngawl tu hi,

¹⁹banghang ziam cile ama in mizawngte nengcip in awlmaw ngawl a, tuaciang ngualdang khat po ii sak sa innte sut hi.

²⁰A duhopna huvau in lungkim ci om ngeingawl hi.

²¹Amate an a neak uh ciang a khamvaal om ngei ngawl hi, ahihang tu in a nopsakna bo vangeu hi.

²²A daupai bel laitakin thinngimna takngimna theampo in sukhuanin zawmcip tu hi.

²³A du a dei theampo ne tahen! Pathian a thinso, a thin uukin ama daan pia tu hi.

²⁴Thik namsau pan suatak tu a hanciam ciang taau thal in ama kap vawk tu hi.

²⁵Thaltang khat in a pum sung pailet in tangciak a, a tee thaltang dawn pan a chi mal taak hi, tuaciang a thin laucip hi.

²⁶A kholsa na theampo kilalthamsak a, mihing khut taw a kitaw ahi ngawl meikuang khat in ama le a innkuan bup kaangh hi.

²⁷Vantung in hisia pa ii mawna pualaak a, leitung in ama mawsiatna tetti pang hi.

²⁸Ama ii nei le lamh theampo Pathian thin uukna tuipawm sungah kisiasak tu hi.

²⁹Hisia mi ngilote thuak tu tangsa hi a, tua in amate thuak tu in Pathian ii seesa ahi hi.