Read Siyin Chin Psalm Late 108 Bible Online

Psalm Late 108 - Siyin Chin bible

Psalm Late 108

¹Lungmuanna a cingin ka nei hi, Pathian awng! La ka sa tu a, kong pok tu hi! Khanglo in, ka thaa awng!

²Ka tengtongh le liamlo te awng, khanglo vun! Tung sunni zongh ka phong tu hi.

³TOPA awng, minamte sung nangma tungah lungdam kong ko tu hi. Mihingte kawm panin nang kong pok tu hi.

⁴Na itna kip in vantungte kalh hi; na thumaanna in vante ban hi.

⁵Pathian awng, van ah na letna le leitung bup ah na minthanna lak in.

⁶Na thahatna taw kote hong hun ta'n; na it, na mite a suatak thei natu in ka thungetna hong zo ta'n.

⁷A inn thiangtho pan Pathian in, “Zawna mualsuana taw Shechem ka khentham tu a, Sukkoth ngamkuam sia ka mihingte ka hawmsak tu hi.

⁸Gilead sia kei aa hi a, Manasseh zongh kei aa, ahi hi; Ephraim sia ka thik lukhu hi a, Judah sia ka kumpi ciangkhut hi.

⁹Ahihang Moab sia ka kisilna kuangin ka zangh tu a, ka neisa hi ci in a kitel natu in Edom tungah ka peangdap ka lawn tu hi. Philistine te tungah zawna mualsua in ka au tu hi,” ci hi.

¹⁰Pathian awng, ngalnan natu in a ki uumcip khuapi sungah akua in kei hong tumpui tu ziam? Edom ah akua in kei lam hong pui tu ziam?

¹¹Hong nial takpi zo ni ziam? Ka ngalkap honte taw mainawt in hong kuanpui ngawl tu ni ziam?

¹²Ngalte langpanin ko hong hu ta'n; Mihingte kihuna in mannung ngawl hi.

¹³Pathian ei sang hong pang le eite in ih zo tu hi; ama in ih ngalte a zothal tu hi.