Read Siyin Chin Psalm Late 11 Bible Online

Psalm Late 11 - Siyin Chin bible

Psalm Late 11

¹TOPA sia ngammuanna nga natu in ka muang hi. Hi bang na ci uh sia bangza in mawmawthuai ziam? “Vacim bangin mualte ah leang ta in,

²banghang ziam cile, mi seksolte in thal keak a, amate in thaltangte taw mihing phate a buliana panin kap tu in tuung zo hi.

³Na theampo a cipthap zawkciang mihing phate vawt thei tu bangma a om nawn bua hi.”

⁴TOPA, ama ii biakinn thiangtho sungah om hi; Topa ii kumpi tokhum in vantung ah om hi. Mun theampo a om mihingte encik a, amate bang vawvawt ci sia he hi.

⁵Topa in a miphate le a seksolte a kibangin encian khawm hi, tuaciangin a maitatte a thinsung theampo taw ensan hi.

⁶Ama in a seksolte tungah suangmeihol kaamte le kaan meikuangte buaksuk hi; ama in amate a sa mama vuite taw daan pia hi.

⁷Topa in thutang a, na pha sepna dei hi; tuabang a, a seamte sia ama ii omna munah teang tu uh hi.