Read Siyin Chin Psalm Late 112 Bible Online

Psalm Late 112 - Siyin Chin bible

Psalm Late 112

¹TOPA pok vun! TOPA zakta a, a thupiakte zui tu nuam a sa sia in mihing lungdam ahi hi.

²Mihing pha khat ii tate sia a ngam sungah thahat tu uh hi; ama ii suan le paalte thupha kipia tu hi.

³Ama ii bangkua sia nei le lamh taw kicing tu a, ama a tawntungin nuamsa tu hi.

⁴Mihing phate, ngual a hesuak theite, a dikte le thutangte atu in khuazing sungah khuavak a taang hi.

⁵Ngual tungah ngo takin sum pukthaak a, a nasepna thumaanna taw a seam sia in mihing lungdam ahi hi.

⁶Mipha khat in lelna thuak ngeingawl tu hi; ama sia kiphawk tawntung tu hi.

⁷Ama in thusia zaak tu a patau bua hi; ama ii upna kho a, ama in TOPA muang hi.

⁸Ama sia thinngim ngawlin a lau bua hi; a ngalte ii a lel tu uh sia ama in mu nanak tu hi.

⁹A kitaangsamhte tungah ama in ngo takin pia a, ama ii cikna thiamna sia bo ngeingawl hi; ama thahat tu a, kizakta tu hi.

¹⁰Mihing seksolte in hi thu mu in a thin uh uuk hi; amate in etsatna taw salh in tua teng taw amate a bo uh hi; amate lametnate a tawntungin mangthang hi.