Read Siyin Chin Psalm Late 122 Bible Online

Psalm Late 122 - Siyin Chin bible

Psalm Late 122

¹“TOPA inn ah pai tek tawng” hong ci a om ciangin ka lungdam hi.

²Tu in eite sia hi sung Jerusalem kongpite sung sangah ih ding hi!

³Jerusalem sia a etlawm, a hoi in a kipua kik khuapi khat ahi hi.

⁴TOPA thupiak bangin ama tungah lungdamko tu in, Israel minamte hong paina mun ahi hi.

⁵Israel kumpipate in a mite tungah thukhen tu in hi sungah to uh hi.

⁶Jerusalem khuapi ah kilemna a om thei natu thungen vun: “Nang hong itte khangto tahen.

⁷Na suumsung sangah kilemna om tahen a, na kumpi innte ah ngal muanna om tahen,” ci vun.

⁸Ka mealheakte le ka ngualtamhte ka ngaisutna in Jerusalem tungah, “Kilemna om tahen!” ka ci hi.

⁹TOPA ih Pathian inn atu in na nopsak natu thu ka ngen hi.