Read Siyin Chin Psalm Late 148 Bible Online

Psalm Late 148 - Siyin Chin bible

Psalm Late 148

¹TOPA pok vun! No, tungsang a saangna a teangte awng, vantung panin TOPA pok vun.

²Ama ii vantunglalang theampo, ama ii vantung ngalkaphonpi theampo awng, ama pok vun.

³Ni le tha awng, ama pok vun; a taang aksite awng, ama pok vun.

⁴A saangbel vantungte le van ii tungsia a om tuite awng, ama pok vun.

⁵Amate theampo in TOPA ii min pok tek tahen! Ama in thupia a, amate kibitphua hi;

⁶Ama thupiakna taw amate sia a om na sasan tek ah a tawntungin kikoi a, tuaciang amate in a thu ni ngawlin a om thei bua hi.

⁷Leitung panin TOPA pok vun, tuipi nganhingpuite le tuipi thukte;

⁸a thupiak a zui khualeng le ngialte, vuuk le meeite, vui thahatte awng.

⁹Pok vun, mualniamte le mualsaangte, a nga thei thingkungte le taamthingte;

¹⁰innsa ngamsa nganhing theampo, a awmtaal nganhingte le vacimte awng.

¹¹Ama pok vun, kumpipate le mihing theampo, kumpi tate le a dang ngamukte;

¹²ngaknunote le tangvalnote, khanghaamte le patangnote zongh in pok vun.

¹³Amate theampo in TOPA ii min pok tek tahen! Ama ii min in a dang theampo sangin lianzaw hi; ama ii minthanna in van le lei ii tungsia ahi hi.

¹⁴Ama ii a it mama Israel mite ahi ama mite theampo in ama a pok natu in ama in ama ii minam thahatsak hi. TOPA pok vun!