Read Siyin Chin Psalm Late 3 Bible Online

Psalm Late 3 - Siyin Chin bible

Psalm Late 3

¹ Ngal tam ka nei lawlawm hi, TOPA awng, kei hong langpan tam lawlawm hi.

²Amate in kei thu son a, “Pathian in ama hu ngawl tu hi” hong ci uh hi.

³Ahihang, TOPA awng, nang sia a tawntungin launa pan hong dal ka lum na hi hi. Nangma in zawna nong pia a, thinletna taw nong dimh kik hi.

⁴Hu ngenin TOPA ka biakpui a ama in a mual thiangtho panin hong zo hi.

⁵Lum in ka mu a, zankhuateakin TOPA in hong dal hi.

⁶Ka kiimkot pan hong uumci ka ngal tul tampite ka kiita bua hi.

⁷Hong pai ta'n, TOPA awng hong hun ta'n, ka Pathian awng, nangma in ka ngalte theampo daan na pia a, kei hong natsak natu vaang na selsak hi.

⁸Ngalzawna sia TOPA kung pan hong pai hi — Ama in ama ii mihingte thupha pia tahen.