Read Siyin Chin Psalm Late 30 Bible Online

Psalm Late 30 - Siyin Chin bible

Psalm Late 30

¹TOPA awng, Nangma in kei hong hun zo na hikom, Nang kong pok hi, tuaciang kei tungah ka ngalte in nong enthawsak bua hi.

²TOPA ka Pathian awng, huna ngenin kong au ciang kei nong damsak a, thaankuul panin nong keam hi.

³Leinuai a thuk zaw na zuanin ka pai laitakin nuntakna a thak nong pia kik hi.

⁴A thumaan ama ii mihingte theampo awng! TOPA tungah pok na lasa vun! A Thiangtho Pa in bang teng seam zo ziam ci in phawk vun a, ama tungah lungdamko vun!

⁵A thin uukna in tawmvei sung teng bek hi a, a phatna in khan tawntung ahi hi. Zanin thitui zongh taak tha tu ahitazong zing sang ciangin lungdamna hong pai hi.

⁶Ngammuang ka kisa a, keima le keima “Hong kinuaisia ngeingawl tu hi” ka kici hi.

⁷Topa awng, nang in kei tungah nong dik hi; mualtung ngalnanna kulhpi bangin kei nong dal hi. Ahihang ka mai panin nong kiseal a, tuaciang ka lau hi.

⁸TOPA awng, nang kong biakpui a, nong hu natu in kong thum hi.

⁹“Ka thina tungtaang ah bang meetna nei tu ni ziam? Thaankuul sung ka zotsuk ciang bang phattuamna om ziam? Mithite in nang hong pok thei tu ziam? A lalmaw na phatna amate in thangsak thei tu ziam?

¹⁰TOPA awng, hong ngai ta'n a, hong hesuak ta'n! TOPA awng, hong hu ta'n!

¹¹Ka khuangaina sia lungdam lapna taw nong laihsak zo hi; ka khuangaina nong laaksak zo a lungdamna taw nong uap zo hi.

¹²Tua ahikom ka thim om buatu a, nang pokna la kong sak tu hi. TOPA awng, nangma in ka Pathian na hi a, a tawntungin lungdam kong ko tu hi.