Read Siyin Chin Psalm Late 36 Bible Online

Psalm Late 36 - Siyin Chin bible

Psalm Late 36

¹Mihing seksol pa thinsung tawngh ah, mawna in thu son hi; Pathian nialin ama thasiana a nei bua hi.

²Ama le ama nasia mama kisa ahikom Pathian in a mawna mu ngawl tu a puavawkna thuaksak ngawl tu hi ci in um uh hi.

³Ama ii kampauna in seksolna le leilotnate taw kidim a, ama in ciimna le phatna taw seam nawn ngawl hi.

⁴Lupna tungah a lup laitak zong ngitlo vai veu amate in ngeal uh hi; a sep pawpo a pha om ngawl a, a sia khat beak zongh nial ngeingawl hi.

⁵TOPA awng, na itna kip in vantungte ban a, na thumaanna in vante ah kizelto hi.

⁶Na thutang sia mualpite bangin saang a, na thutang khenna in tuipi bangin thuk hi. Mihingte le nganhingte in nangma khoina sungah om hi.

⁷Pathian awng, na itna kip sia, bangza in manpha ziam! Na thakhui ii limh nuai ah kote in kidalna ka nga uh hi.

⁸Tam mama nong piak ante ne in nuam ka sa uh a, na phatna sia nguntui bangin nong dawnsak thei hi.

⁹Nang sia nuntakna theampo ii naak na hi a, nangma ii khuavak hangin khuavak ka mu uh hi.

¹⁰Nang hong hete sia it suak in a, a thutangte tungah a pha in hong seam suak ta'n.

¹¹Mihing kiphasakte in hong ngalvawtsak heak in a, mihing seksolte in hong notsak heak in.

¹²Mi ngilote liikna san en vun. Tua munah amate pukin thoto zo ngawl hi.