Read Siyin Chin Psalm Late 53 Bible Online

Psalm Late 53 - Siyin Chin bible

Psalm Late 53

¹Mihing mawmawte in, “Pathian om bo!” ci uh hi. Amate theampo siatna khaatna taw kidim siat a, a cizathuai nate seam zo uh hi; a maan a seam kuama a om bua hi.

²Mihing khat po a ciim a om ziam, ama a bia khat po a om ziam ci in, TOPA in vantung panin mihingte ensuk hi.

³Ahihang amate lampial siat zo uh hi; amate a kibangin sia siat hi. A maan a ngamta khat zongh om ngawl, khat beak zongh om ngawl hi.

⁴“Ama te in he ngawl ziam?” TOPA in dongh hi. “Hi a tatsiate in heakna nei ngawl ziam? Amate in ka mite neisa sutolna taw nungta a, kei tungah thu hong ngen ngeingawl hi.”

⁵Ahihang amate in nidangin a thuak ngeingawl uh launa nasia thuak tu uh hi, banghang ziam cile Pathian in a mite ii ngalte ii ngute sia thethaang tu hi. Pathian in amate nial zo ahikom, Israel in amate zothal siat tu hi.

⁶Zion panin Israel te ii zawna hong pai natu in bangza in thungen khi ziam. TOPA in Israel te a khantosak kik hun ciang bangza in amate lungdam tu ziam!