Read Siyin Chin Psalm Late 61 Bible Online

Psalm Late 61 - Siyin Chin bible

Psalm Late 61

¹Pathian awng, ka auna hong za ta'n; ka thungetna hong ngai ta'n.

²Thin kiamin inn taw a kikhuala na pan nang kong biakpui hi! A muanhuai bukna ah hong zotpui ta'n,

³banghang ziam cile nangma in ka kidalna na hi hi, ngalte ka nan natu a kho ngalnanna na hi hi.

⁴Ka khan tawntung na inn thiangtho sungah hong teangsak ta'n; na thakhui nuai ah ngammuanna hong ngasak ta'n.

⁵Pathian awng, kong kamciamsate nong za zo a, nang vaang hong piate ii neisate kei nong pia zo hi.

⁶Kumpipa ii nuntakna kum tampi belapsak in; a nuntakna sausak in.

⁷Pathian awng, nangma ompuina sungah ama in ngam uk tawntung tahen; na itna kip le na thumaanna taw ama sungsia in.

⁸Tua hi a, kong kamciamsate nang tungah ni simin kong piak ciang pokna la kong sak tawntung tu hi.