Read Siyin Chin Psalm Late 82 Bible Online

Psalm Late 82 - Siyin Chin bible

Psalm Late 82

¹Pathian in vantung council kikhopna ah hun uk hi; tua pathiante kikhopna sungah ama in thukhensat hi:

²“A maan ngawl thukhennate kheal vun; mihing seksolte ngum nawn heak vun!

³A zawngte le tangate panpui tavun; kitaangsapna a neite le a cimawte tungah a kilawm in en vun.

⁴Amate mihing seksolte khut sung panin suatak tavun.

⁵“Note in bangza in tel ngawl nu ziam! Bangza in nangh nu ziam! Note na ngamta khial siat zo uh a, leitung ah thumaan ngamtatna bo zo hi.

⁶‘Note in pathiante na hi uh hi’ kong ci hi; ‘note theampo sia a Saangbel Pa ii tate, na hi uh hi.’

⁷Ahihang mihingte bangma in na thi tu uh hi; na nuntakna uh sia kumpipa tate khat pawpo ii nuntakna bangin bo tu hi.”

⁸Hong pai ta'n, Pathian awng, leitung hong uk ta'n; ngam theampo sia nangma neisa ahi hi.