Read Siyin Chin Psalm Late 86 Bible Online

Psalm Late 86 - Siyin Chin bible

Psalm Late 86

¹TOPA awng, hong ngai ta'n a, hong zo ta'n, banghang ziam cile kei sia cimaw in thazawm khi hi.

²Kei sia na tungah hong thumaan ka hikom thina pan hong hun ta'n; kei sia na naseampa hi a nang hong muang ka hi ciang, hong hun ta'n.

³Nangma in ka Pathian na hikom, kei hong hesuak ta'n; sunkhuateak nang tungah thu kong ngen hi.

⁴Topa awng, na naseampa hong lungdamsak ta'n, banghang ziam cile ka thungetnate nang kungah hong paito hi.

⁵Ko tungah nangma na pha a, nong maisak hi, nang tungah thu hong ngente theampo atu in itna kip taw na kidim hi.

⁶TOPA awng, ka thungetna hong ngai ta'n; hu ngen a kong auna hong za ta'n.

⁷Ngimna hunte sungah nang kong ko hi, banghang ziam cile nangma in ka thungetnate nong zo hi.

⁸Topa awng, nang taw a kibang pathian om ngawl hi, nang sep bang a seam kuama om ngawl hi.

⁹Na bitphua sa minam theampo hong pai in na mai ah kun tu hi; amate in na letna hong pok tu hi.

¹⁰Nangma in thahat in a lamdang nate na vawt hi; nangma bek Pathian na hi hi.

¹¹Seam a nong oaite hong hil ta'n, TOPA awng, thumaan takin na thu kong ni tu hi; a kicing kipiakna taw, na na ka sep natu hong hil ta'n.

¹²Topa ka Pathian awng, ka thin theampo taw nang kong pok tu hi; Na letna sia a tawntungin ka thangsak tu hi.

¹³Nong itna kip sia kei atu bangza in lian ziam! thaankuul pan mama in nangma in kei nong hun zo hi.

¹⁴Pathian awng, mihing kiphasakte in kei hong langpan tu in hong pai hi; mihing tatkha hon pawlkhat kei thatlum tu in hong hanciam hi — nang hong thusim ngawl mihingte ahi uh hi.

¹⁵Ahihang Topa awng, nang sia, a hesuak thei le a it thei Pathian na hi a, a thin uai tawntung, a dik tawntung le a thumaan tawntung na hi hi.

¹⁶Kei sang hong nga ta'n a kei hong hesuak ta'n; hong thakhosak ta'n a hong hun ta'n, banghang ziam cile ka nu ii sep bangma in na na ka seam hi.

¹⁷Na phatna a kitelna hong lak ta'n, TOPA awng; kei hong ensante in heenepna le huna nong piak a mu uh ciangin a maizum tu uh hi.