Read Siyin Chin Psalm Late 90 Bible Online

Psalm Late 90 - Siyin Chin bible

Psalm Late 90

¹Topa awng, nangma in a tawntungin kote inn na hi hi.

²Mualte na bitphua ma, simlei na piansak ma in nangma in a om tawntung Pathian na hi a, a tawntungin Pathian na hi tu hi.

³Kote sia ka hina uh ah cia kikin nong sawl hi; kote leivui nong suak kiksak hi.

⁴Kum tulkhat sia nang atu in ni khat bang ahi hi; tuate in a bosa zeini taw kibang a, zan lai hun tomno khat taw kibang hi.

⁵Nangma in tuipawm ii taai bangin kote nong paipui hi; mangmat khat bang zaa ka hi bek uh hi. Kote sia zingsang in meang a,

⁶khangto in a paak, nitak sang ciang vulin a thi lopate taw ka kibang uh hi.

⁷Na thin uukna in ko hong susia hi; thinso in na nge ngawpna in ko hong lausak hi.

⁸Ko ii mawnate na mai ah koi in, ko ii maw kunaste na mu theina ah na koi hi.

⁹Na thin uukna in ka khan uh hong tomsak hi; ka khan uh sia kihuau khat bangin mang vadi hi.

¹⁰Kote ii hun nei theampo in kum sawmsali hi — ka hat uh le kum sawmliat hi; Tuate in thinngimna le heena teng bekma hong puak hi; nuntakna sia hai ngawlin bo a, kote sia mu mun ka om nawn bua uh hi.

¹¹Na thin uukna ii thahatna buppi akua in thuak ngei ziam? Na thinsona sia bangza lauhuai thei ci sia akua in he ziam?

¹²Ka ciim thei natu uh in ka nuntakna uh bangza in tom ziam ci sia hong hil ta'n.

¹³Na thin uukna bang tan khuangei lai tu ziam? TOPA awng, na naseamte tungah mulkimna hong nei ta'n!

¹⁴Ka nuntak tawntung lungdam in la ka sak thei natu uh in zing simin na itna kip hong dim ta'n.

¹⁵Lungmanna ka thuak uh kumte theampo sungah heena nong piak za ma in tu in lungdamna hong pia ta'n.

¹⁶Ko, na naseamte in na lianpi na sepnate hong musak ta'n; ko ii suan le paalte in a minthang, na thahatna musak in.

¹⁷TOPA kote Pathian awng, na thuphate ko taw hong om tahen. Ka sep ka vawt uh theampo sungah zawna hong pia ta'n!