Read Siyin Chin Psalm Late 99 Bible Online

Psalm Late 99 - Siyin Chin bible

Psalm Late 99

¹TOPA sia kumpipa ahi hi; tuaciang mihingte liinglawng uh hi. Ama in Cherub te ii tung sang, a kumpi tokhum tungah to a, leitung sia kilok hi.

²TOPA sia Zion ah thahat hi; ama sia minam theampo tungah a lianbel ahi hi.

³Mihing sim in, a lian le a vaang nei ama ii min pok tu uh hi. Ama thiangtho hi!

⁴A thahat kumpipa awng, nangma in a maan nate na dei hi; nangma in Israel ngam sungah thutang khenna omsak zo ni hi; nangma in thutang le phatna nong paipui hi.

⁵TOPA ih Pathian pok vun; a kumpi tokhum mai ah bia vun! Ama thiangtho hi!

⁶Moses le Aaron in ama ii thiampite hi a, Samuel sia ama tungah thu ngen pa ahi hi; amate in TOPA biakpui a, ama in zo kik hi.

⁷Ama in meeikhuam panin amate paupui hi; amate tungah ama ii piak thukhamte le a thupiakte amate in zui uh hi.

⁸TOPA kote Pathian awng, na mite ngetna na zo kik hi; A mawnate hu in amate daan na piak hial hangin, mawmaisakna a pia Pathian khat na hi hunlam amate na lak hi.

⁹TOPA ih Pathian pok vun a, ama mual thiangtho ah bia vun! TOPA ih Pathian thiangtho hi.