Read Siyin Chin Thuhilsya 10 Bible Online

Thuhilsya 10 - Siyin Chin bible

Thuhilsya 10

¹Tho thisate in paaknamtui bung bup khat uihsak thei a, mawmawtna tawmno khat in ciimna lianbel siasak thei hi.

²Mihing ciim khat in a maan khat a sep tu le, a mawmaw khat in a maan ngawl a sep tu sia a ngeina ahi hi.

³Ama mawmawtna sia lampi ah a kisikpui khualmite ngawngawn in tel pai a; ama mihing mawmaw ahi hunlam mihing theampo in hesak hi.

⁴Nang hong ukpa na tungah a thin a uuk le nasep tawp tu ngen heak in; thim dide in na om le khialna liante zongh hong kimaisak thei hi.

⁵Hi leitung ah a dik ngawl thu khat ka mu a — ngamukte ii a kilawm ngawl ngamtatna ahi hi.

⁶Mihing mawmawte thuneina dinmun kipia a, mihaute kimel sia hi.

⁷Silate siphu tungah to a, kumpinamte silate bangin peang taw vak ka mu hi.

⁸Dum na to le a sungah na taak tu a; luphung khat na sulet le ngul khat in nang hong tu tu hi.

⁹Suangkhuk ah na na seam le suang taw na liam tu hi. Thing na ek le tua nasepna taw na liam tu hi.

¹⁰Na hei a mawl a, na taat buale na zak ciang na nasep haksa zaw tu hi, maisang atu zeak khol sia pha hi.

¹¹Ngul zol thiam napi na tusak masa le ngul zol na thiam sia a phat tuamna om ngawl hi.

¹²Mihing ciim khat ii kampauna in ama min phasak a, ahizong mihing mawmaw khat sia ama kammal ma in siasak hi.

¹³Ama in a mawmawthuai kampau a, mawmawt kam taw khup hi.

¹⁴A mawmaw khat sia papau in lului hi. Kuama in maisang thupiang tu he ngawl a, ih thi zawkciang bang suak tu cisia kuama in hong son thei ngawl hi.

¹⁵Inn lam a zong kik thei ngawl, a mawmaw leilam khat sia a nasepna taw zawm law tu hi.

¹⁶Ngam uk kumpipa khangmoi lai in, ngam lampuite in zan tha pai in poai a khaam uh le, tua ngam sia ngim nga hi.

¹⁷Ahizong kumpipa in ama thu in thu a khensat thei a lampuite in a hun maanin an ne in, amate le amate zu khamcip ngawl natu, a ki uk zo le tua ngam sia a hampha ngam ahi hi.

¹⁸Pasal khat a datham lei in a innkhum a pua buale a inn kuai tu a, a inn cimh tu hi.

¹⁹Poai khaamna in nang hong lungdamsakin, sapittui in hong maitaisak hi, ahizong khat zongh sum ngawl taw na nga thei bua hi.

²⁰A thimtham in kumpipa son sia heak in a, sumhaupa sia na aituam lupna inndoi sung zongh ah sonsia heak in. Vacim khat po in na pau teng amate thu puakin son tha tu hi.