Read Siyin Chin Isaiah 38 Bible Online

Isaiah 38 - Siyin Chin bible

Isaiah 38

¹Hi hunin Hezekiah Kumpipa a ciina in thi dektak hi. Amoz ii tapa, kamsaang pa Isaiah in ve a, ama tungah, “TOPA in a kul theampo vawt siat hen, banghang ziam cile dam kik ngawl tu hi hong ci hi. Tua ahiciang a thi tu in kinging in,” ci hi.

²Tuaciang Hezekiah sia pang sang nga in hi bangin thungen hi:

³“Nangma tungah thumaan tak muanhuai takin na na ka sepnate le sepsak tu nong dei bangin a tawntung hanciam in ka nasepnate hong phawk ta'n, TOPA awng,” ci hi. Tuaciang ama sia nasia tak kap tu in kipan hi.

⁴Tuaciang, TOPA in Isaiah tungah hi bangin thupia hi.

⁵Hezekiah kungah pai kik in a, ama tungah, “Na taanghpupi David ii TOPA Pathian ahi, Keima in, na thungetna ka za zo a, na thituite ka mu zo hi; na nuntakna kum sawm le kum nga kong khangkhan tu hi.

⁶Assyria kumpipa khut sung pan nangma le Jerusalem khuapi kong suatak tu a, hi khuapi ka sungsia suak tu hi,” ci in son in.

²¹[2] Isaiah in kumpipa tungah na meima sia thei naai noai lete dam kik tu ni hi ci in son hi.

²²Tuaciang Hezekiah Kumpipa in, “Biakinn ah ka pai zawk natu bang lim in hong lak tu ziam?” ci in dongh hi. Isaiah in, “TOPA in hong kamciam a peal ngawlna lim nang tungah hong lak tu hi. Ahaz Kumpipa ii a vawt keallei tungah, TOPA in a limh nungsangah kal sawm heak kiksak tu hi,” ci in zo kik hi. Tuaciang a limh kal sawm heak kik hi. Hezekiah a natna pan a dam kik zawkciang, hi pokna la at hi; Ka khan kimlaitakin mithi khua zuan tu hi thong tang a, Huaikut teakkut in nungta ngawl tu hi tang a, ci in ka ngaisun hi. A nungtate omna hi leitung ah TOPA mu ngei nawn ngawlin, A nungta mi kuama mu nawn ngawl tu hi tangh a ci in ka ngaisun hi. Puanbuk khat a kiphelthap bang, thiambu pan puan a ki attan bangin, ka nuntakna hong ki attan a, hong kibosak hi. Pathian in ka nuntakna hong bosak hi ci in ka ngaisun hi. Tawpi in ka ngute hong thiatansak bang keakin zankhuateak na sa in ka au hi. Pathian in ka nuntakna hong bosak hi (...)