Read Siyin Chin Isaiah 4 Bible Online

Isaiah 4 - Siyin Chin bible

Isaiah 4

¹Tua hun hong thet ciang, numei sali in pasal khat lencip in; “Koma le koma kivaak zo in, puansilh nikteen ka heang thei tu uh a, ahitazong ko pasal taan ci ka maizum seal natu in, nong hesuakna in nang sia koma pasal hi hong cisak ka po in,” ci tu uh hi.

²TOPA in ngam sungah a om ankung le thingkung theampo a khantosak tu le, a limciitsak tu hun hong thetheng tu hi. A nungta lai Israel mihing theampo in a ngamsung pan a piang an kungte hu in lungpilna le kiphatsak puina nei tu uh hi.

³Jerusalem ah a taanglai, Pathian ii a nungta lai tu a tealsa theampo sia, a thiangtho kici tu hi.

⁴TOPA in ama ii vaangletna taw minam tung thukhenin thiansua tu a, Jerusalem ii mawna le tua munah chi kibua sia silthiang tu hi.

⁵Tua zawkciang Zion mualtung le tua munah a kikhawmte theampo tungah, sun hunin meeikaai khat, zan hunin meikhu le meikuang taang sitset khat, TOPA in puak tu hi. Pathian ii minthanna in khuapi bup huamin dal tu hi.

⁶Ama ii minthanna in tua khuapi sia sun ni satna pan lia tu a, vuipi le nguapi pan bukna le belhna muan mun khat hisak tu hi.