Read Siyin Chin Thiampite 11 Bible Online

Thiampite 11 - Siyin Chin bible

Thiampite 11

¹TOPA in Moses le Aaron tungah,

²Israel mite atu a nuai a ngeinate pia hi. Leitung nganhing,

³peangcin kaa a, eakkha zongh a thai pawpo ii sa na ne thei tu uh a,

⁴ahizong kalaohte, sakihte, ahibuale bilpite sa na ne bua het tu uh hi. Tuate a thiang ngawlin ngaisut tu ahi hi; hite eakkha a thai hangin a peangcin kaa ngawl hi.

⁷Voksa ne heak vun. Tuate a thiang ngawlin ngaisut tu ahi hi; Vok sia a peangcin kaa hikale eakkha thai ngawl hi.

⁸Tua nganhingte ii sa ne heak vun, a thite zongh tham heak vun; tuate thiangtho ngawl hi.

⁹Tha le hawlip a nei ngasa nam peuma ne thei tu nu hi,

¹⁰ahizong tuisung nganhing, tha le hawlip a nei ngawlte na ne buahet tu uh hi.

¹¹Hi nganhingte a thiang ngawlin ngaisut tu ahi hi. Na ne buahet tu uh a, a thite zongh na tham buatu uh hi.

¹²Tuisung a nungta, tha le hawlip a nei ngawl peuma na ne bua het tu uh hi.

¹³A nuai a vacimte: muvanlai, simbu, muthi, mupui; mumeikaa, vaciik, va-ak; kalaoh vacim; tuipiva, hilniang vacimlian, vakaang, tuingumpai, vanungak; vasuangui le bak sate na ne buahet tu uh hi.

²⁰Peang luk a nei tha nei lungnote,

²¹a leang vakeu theite simngawl po thiang ngawl hi.

²²Khaumaw, khuangbai le sim khaumawte na ne thei tu uh hi.

²³Ahizong tha nei a, a bokvak nganhing no dang theampo a thiang ngawl het in ngaisut tu ahi hi.

²⁴A kuama po in a nuai a nganhing thite a tham peuma nitak dongin nin tu hi: tuate peangcin nei ahihang a kaa ngawl, eakkha a thai ngawl nganhing theampo le, a peangbom a, peang li nei nganhing theampo ahi hi. Tua nganhing a thite a pua peuma in a puan sawp nanak tu a, ahizong nitak dongin a thiang ngawl hi lai tu hi.

²⁹Savokphualte, ngam zunamte, sanchiimte le, thankhik namte a nin in kingaisun hi.

³¹Hi nganhingte ahibuale a thiluangte a tham pawpo nitak dongin a thiang ngawl hi tu hi.

³²Hi sa a thite na khat pawpo tungah a taak le, a tukna tua vanhte a thiang ngawl hi tu hi. A kizakna taw kisai ngawlin thing, puan, savun, ip cite hisia in huam siat tu hi. Tuasia tui sungah dia tu a, ahizong nitak dongin a thiang ngawl hi tu hi.

³³Tua sathi luangte leibeal khat sungah a taak le, tua ii sungah a om na theampo a thiang ngawl hi tu a, a beal sutham hamtang tu nu hi.

³⁴A kine thei an pawpo tungah tuabang beal sung pan tui a kisung le a nin hi tu a, tuabang beal sungah a om a kidawn thei pawpo nin tu hi.

³⁵Sa thiluangte ii taakna khat pawpo sia thiang ngawl a, lei taw kivawt meibung ahibuale bealpeu sia kiseaktham tu hi.

³⁶Hi sathi luangte ii a thuthaak dang pawpo a thiang ngawl hi tu a, ahizong tuinaak ahibuale tuibeam sia thiang veve hi.

³⁷A kiciing tu thaicii tungah sathi luang khat a taak le, tua thaicii thiang veve hi.

³⁸Ahizong thaicii sia tui sungah kidia in tua tungah sathi luang khat a taak le tua thaicii thiang ngawl hi.

³⁹A kine thei nganhing khat a thi le, tuasia a tham pawpo nitak dongin thiang ngawl tu hi.

⁴⁰Tua nganhing sate a ne a om le, a puan sawp hamtang tu a, ahizong nitak dongin a thiang ngawl hi lai tu hi; tua sathi luang a pua pawpo in a puan sawp hamtang tu hi, ahizong ama sia nitak dongin a thiang ngawl hi lai tu hi.

⁴¹Lei ah a vak nganhing note,

⁴²a awmtaal ahizong, peang li taw a vak ahizong, peang tam mama a neite ahizong ne ngawl het tu nu hi.

⁴³Hi sate ne in noma le noma a thiang ngawl kisua heak vun.

⁴⁴Keima in TOPA na Pathian ka hi a, keima thiangtho ka hikom note zongh na thiangtho uh kul hi.

⁴⁵Na Pathian ka hi thei natu in Egypt pan hong pusuapui TOPA ka hi hi. Keima thiangtho ka hikom note na thiangtho uh kul hi.

⁴⁶Tua ahiciang hisia in nganhingte, vacimte, tuisung a nungtate theampo le leitung a vakte theampo taw a kisai thukham ahi hi.

⁴⁷Note in biakna taw kisai a thiang le a thiang ngawl, neak thei le neak thei ngawl nganhingte na khentel thei tu na kidop uh kul hi.