Read Siyin Chin Thiampite 15 Bible Online

Thiampite 15 - Siyin Chin bible

Thiampite 15

¹TOPA in Moses le Aaron tungah,

²Israel mite atu in a nuai a zui tu ngeinate pia hi. Pasal khat pawpo a zang pan a tui a naai a pusuak le,

³tawlnga ngawlin a luang ahizong, a kikhak ahizong tua sia thiang ngawl hi.

⁴Lupna tungah a to ahibuale a lum le tua lupna thiang ngawl hi.

⁵Tua pa lupna a tham pawpo,

⁶ahibuale a tona tungah a to pawpo in a puante sawp in kibual nanak tu a, ahizong ama nitak dongin thiang ngawl veve hi.

⁷Tua naai a neipa a tham pawpo in a puante sawp in kibual nanak tu a, ahizong ama nitak dongin thiang ngawl veve hi.

⁸Tua naai a neipa in biakna taw kisai in a thiang khat pawpo cil a phii le tua pa sia ama puan teng sawp in, kibual nanak tu a, ahizong ama nitak dongin thiang ngawl veve hi.

⁹Tua naai a neipa tona siphukungh ahibuale tokhum sia thiang ngawl hi.

¹⁰Hi sia pa tona a tham pawpo nitak dongin thiang ngawl hi. Hi sia pa tona a pua pawpo in ama puante sawp in, kibual nanak tu a, ahizong ama nitak dongin thiang ngawl veve hi.

¹¹Tua naai a neipa in a khut sil masa ngawlin mihing khat po a tham le ama puan teng sawp in kibual nanak tu a, ahizong ama nitak dongin thiang ngawl veve hi.

¹²Hi sia pa ii a tham leibeal pawpo kisutham tu a, ama thamsa thing taw kivawt kuang pawpo kisilthiang hamtang tu hi.

¹³Tua naai a neipa a dam zawkciang ni sali sung ngak tu a, tuaciang a puante sawp in cik tuithiang sungah kibual nanak tu a, tuaciang ama biakna taw kisai in thiang tu hi.

¹⁴A ni liat ni in ama in inn vakhu nii ahibuale ngam vakhu nii TOPA ompuina Puanbuk kongbiang ah paipui in thiampipa pia tu hi.

¹⁵Thiampipa in mawphel biakpiakna in khat, meihal biakpiakna in a dang khat pia tu hi. Hi bangin tua pa atu a zeksa thiansuana ama in vawt tu hi.

¹⁶Mihing khat sia a bawtui a pusuak le a pum bupin kibual tu a, ahizong ama nitak dongin nin veve hi.

¹⁷Tua bawtui a taakna puan taw ahibuale savun taw kivawt na khat pawpo sia silthiang tu a, ahizong nitak dongin tua na sia nin veve hi.

¹⁸Numei le pa omkhopna a nei zawkciang a nii in kibual nanak tu a, ahizong amate nitak dongin thiang ngawl veve hi.

¹⁹Numei khat tha sim nin a nei ciang ama ni sali sung thiang ngawl hi. Tua nu a tham pawpo nitak dongin thiang ngawl hi.

²⁰Tua numei ii a nin nei sung a tona ahibuale a lupna sia thiang ngawl hi.

²¹Ama lupna ahizong a tona ahizong a tham pawpo in ama puante silthiang in kibual tu a, ahizong nitak dongin ama nin veve hi.

²⁴Pa khat in numei khat a nin nei sungin a omkhoppui le tua pa niinsak a, ni sali sung thiang ngawl hi, tua ciang a lupna pawpo zongh thiang ngawl hi.

²⁵Numei khat tha sim a nin nei zawkciang ni tam mama sung a chi a luang le, ahibuale numei nin nei ngei hun sangin a chi luan hun a tamzaw le, nin a nei hunsung teng bangma in a chi luan laiteng tua nu sia nin hi.

²⁶A nin nei hun sungin a lupna le a tona pawpo sia nin hi.

²⁷Tuate a tham pawpo nin a, a puante sawp in kibual nanak tu a; ahizong ama nitak dongin thiang ngawl veve hi.

²⁸A chi luan a kan zawkciang ama in ni sali ngak tu a, tuaciang ama biakna taw kisai in thiang tu hi.

²⁹A ni liat ni in ama in inn vakhu nii ahibuale ngam vakhu nii TOPA ompuina Puanbuk kongbiang ah a om thiampipa kungah paipui tu hi.

³⁰Thiampipa in mawphel biakpiakna in khat le meihal biakpiakna in a dang khat pia tu a, hi bangin ama in tua nu a zeksa kithiansuana vawtsak tu hi.

³¹Ngiaphual laizang ah a om TOPA ompuina Puanbuk a nitsak ngawl natu in Israel mite tungah a thiantho ngawlna taw kisai in, a kidopna tu thu a son tu in TOPA in Moses thupia hi. A ninsak ahile amate kithatlum tu hi.

³²Hiteng sia, a zang pan naai a pusuak pa khat ahibuale a bawtui a luang pa khat,

³³numei khat tha sim a nin nei hunsung ahibuale, biakna taw kisai in a thiang ngawl numei khat taw a khialpa ii zui tu ngeinate ahi hi.