Read Siyin Chin Jeremiah 45 Bible Online

Jeremiah 45 - Siyin Chin bible

Jeremiah 45

¹Josiah ii tapa Jehoiakim ii Judah ngam kumpi a sua zawk a kum lina kum in Baruch in ama tungah ka khaw bangin lai at hi. Tuaciang keima in ama tungah,

²TOPA Israel ii Pathian in hi bangin ci hi, “Baruch awng,

³‘kei paw cimaw zo ing! TOPA in ka haksatnate khuangaina taw hong belap hi. Ka tatauna taw ka ngim zo a ka toi thai thei ngawl hi!’ na ci hi.

⁴“Ahihang, Keima, TOPA in ka sak sate ka baltham tu a ka phu sate ka botkeak tu hi. Leitung buppi sia hi bangin ka vawt tu hi.

⁵Nang atu a tuam vilvel a hong kivawt natu zong na hi ziam? Zong heak in! Mihing nam buppi tungah siatna ka thengsak tu a, ahihang nang sia na paina po ah thi ngawlin na suakta valiai tu hi. Keima TOPA in ka ci zo hi.”