Read Siyin Chin Ezekiel 22 Bible Online

Ezekiel 22 - Siyin Chin bible

Ezekiel 22

¹TOPA in kei hong paupui hi.

²Ama in, “A thithei mihing awng, mi thatte taw a kidim khuapi sia tungah thukhen tu in na kinging zo ziam? A kiihuai a vawt theampo ama in telthiangsak in.

³Khuapi tungah Kei, Vaanglianpipa TOPA ii ci teng son in: Na mite tam mama suamlum in nangma le nangma milim biakna taw kininsak na hikom, na hun hong theng hi.

⁴Tua tual thana te tungtaang ah maw na hikom le na vawt sa milimte taw kininsak na hikom na ni hong pai a, na hun hong cing hi. Tua hu in minamte in kong selnosak a, ngam theampo in kong nunausak hi.

⁵A nai le a khuala ngamte in thukham na zui ngawl hu in hong nunau uh hi.

⁶Israel lampuite theampo in amate thahatna suangin tual a that uh hi.

⁷Khuapi sungah om no mihingte in na nu na pa te na zakta bua uh hi. Ngamdangmite na theam uh a, meingongte le tangate tung pan hamphatna na zong uh hi.

⁸Mun thiangtho te na zakta bua uh a, Sabbath na tang bua uh hi.

⁹Na mite pawlkhat in midangte thi daan a thuak natu in leilot thu a son uh hi. Pawlkhat te in milim biakpiakna sa a ne uh hi. Pawlkhat te sia cii le sa deinate a lungkimsak tawntung uh hi.

¹⁰Mihing pawlkhatte in a pate ii zi taw lumkhawm uh hi. Mihing pawlkhat te in numei te a nin nei laitakin zawthawk thu taw ompui uh hi.

¹¹Pawlkhatte in palngul mawna vawtin, a dangte in a mote ahibuale a suapuiseal numeite zol uh hi.

¹²Na mite pawlkhat in sum ne in ngual that uh hi. Pawlkhatte sia, a Israel mipuite tungah summeet pukthaak a tua tungtawnin hau uh hi. Amate in kei hong mangil uh hi.” Vaanglianpipa TOPA in son zo hi.

¹³“Ngual na suamlupna le ngual na sutolna uh tungah ka khuttum kong thasuk tu hi.

¹⁴Na tungah kong vawt tu teng ka man zawkciang na khut uh laamto zo tu in hanna, ahibuale hatna a khom nei lai tu in na ki um uh ziam? Keima, TOPA in ka pau zo a, ka pau bangin ka ngamta hi.

¹⁵Na mite ngam sim le minam sim sungah ka thethaang tu a, na ngitlo ngamtatnate ka bosak tu hi.

¹⁶Tuasia ciang minam dangte in no hong nomu tu a, ahihang Keima sia TOPA ka hi hunlam nong he tu uh hi,” ci hi.

¹⁷TOPA in kei tungah,

¹⁸“A thithei mihing awng, Israel te sia kei atu bangma mannung ngawl hi. Amate sia pummei sungah ngunnte a kithiansak zawkciang a taanglai thik eakte — taausan, daan, thik, haak — taw kibang hi.

¹⁹Tua ahikom tu in Keima, Vaanglianpipa TOPA in amate munah, tuasia bangma in man nei ngawl nu hi ka ci hi. Amate theampo Jerusalem ah ka paipui tu a

²⁰ngunn, taausan, thik, haak le daan te a kithiansakna pummei sungah a kikoi bangma hi tu hi. Ka thin uukna le ka thinsona in meikuang ii thiklom te a tuithapsak bangma in ka tuithamsak tu hi.

²¹Hi hi, Jerusalem ah amate ka khawmtua tu a, a nuai uh ah mei thut in ka thin uukna taw ka tuithamsak tu hi.

²²Amate sia pummei sungah ngunn a tuithap bangma in, Jerusalem ah ka tuithamsak tu hi, tuasia ciang amate in TOPA ii thin uukna a thuak hunlam hong he tu hi,” hong ci hi.

²³TOPA in kei hong paupui kik hi.

²⁴Ama in, “A thithei mihing awng, Israel te munah son in a, a leitang thiangtho ngawl ahikom ka thin uuk a ngim ka pia tu hi.

²⁵A lampuite sia a thalup sa nganhingte a hawk tawpite taw kibang hi. Amate in mihingte that a, a sum le a neisa te a laak thei theampo laaksakin a thalup hu in tam mama meingong suaksak uh hi.

²⁶Thiampite in ka thukham paltan a, a thiangtho na te ciliap ngawl hi. Amate in a thiangtho nate le a thiangtho ngawl nate a khen bua uh hi. Amate in na a thiangthote le a nin kilamdanna hil ngawlin, Sabbath a melsia uh hi. Tua taw kizui in Israel mite in kei hong zakta bua uh hi.

²⁷Kumpi zum ulian te sia nganhing a mat sate a laaitham ngia te taw kibang uh hi. A hau natu in amate in mihing that uh hi.

²⁸Mihingte in pang sia a kaang taw a zut uh bangin kamsaangte in hi mawnate seal uh hi. Amate in mukholna a maan ngawlte mu a, thuson kholna maan ngawlte veu son uh hi. Amate in Keima, Vaanglianpipa TOPA kam pau hi hong ci a, ahihang Keima, TOPA in amate ka paupui bua hi.

²⁹Sumhaute in ngual theamin suttol uh hi. Amate in a zawngte vawtsia a, ngamdangmite tung pan hamphatna la uh hi.

³⁰Keima in ka thin uukna taw ka suksiat ciang kulh a vawt zo tu, kulh a cipna munah ding a, amate ngam a hu zo tu khat ka zong hi, ahizong kuama ka mu zo bua hi.

³¹Amate ii ngamtatna teng hu in ka thin uukna meikuang bangin a tungah ka thaa tu a, ka lalcipsak tu hi,” ci hi. Vaanglianpipa TOPA in son zo hi.