Read Siyin Chin Mi Simna 1 Bible Online

Mi Simna 1 - Siyin Chin bible

Mi Simna 1

¹Israel mite Egypt pan a pusua zawk a kum niina, a tha niina ni masabel ni in, Sinai Sennealngam sung tua mun Pathian ompuina Puanbuk sungah TOPA in Moses paupui hi. TOPA in,

²“Nangma le Aaron in Israel mite ii bee le phungte le a innkuante zui in mihing simna nei tu nu hi. Pa a minpiang,

³kum kul le a tungsia ngalkap seam thei tu peuma a min sazian la vun.

⁴Hong hu tu in bee le phung khat sung pan ukpi khat veu ngen tavun,” ci hi.

⁵Hi mihingte sia hi na seam tu in taangpite sung pan a kiteal minam lampuite ahi uh hi: [Minam] — [Bee le phung ukpi] Reuben — Shedeur tapa Elizur Simeon — Zurishaddai tapa Shelumiel Judah — Amminadab tapa Nahshon Issachar — Zuar tapa Nethanel Zebulun — Helon tapa Eliab Ephraim — Ammihud tapa Elishama Manasseh — Pedahzur tapa Gamaliel Benjamin — Gideoni tapa Abidan Dan — Ammishaddai tapa Ahiezer Asher — Ochran tapa Pagiel Gad — Deuel tapa Eliasaph Naphtali — Enan tapa Ahira

¹⁷Hi pasal sawm le niite ii huna taw Moses le Aaron in,

¹⁸a tha niina, ni masabel ni in, taangpi bup sam a, bee le phungte le innkuante zui in mihing theampo tepteena lai vawt hi,

¹⁹TOPA thupiak bangin, kum kul le a tungsia pa peuma, kisimin a min kiciamtee hi. Sinai Sennealngam ah Moses in mihingte min tepteena lai vawt hi.

²⁰Ngalkap na a seam thei tu kum kul pan a tungsia pa peuma bee le phungte le innkuante zui in min kikhum a, Jacob tapa lianbel Reuben minam taw kipan hi. A vekpi in a nuai a bang ahi hi. [Minam] — [Mihing phaza] Reuben — 46,500 Simeon — 59,300 Gad — 45,650 Judah — 74,600 Issachar — 54,400 Zebulun — 57,400 Ephraim — 40,500 Manasseh — 32,200 Benjamin — 35,400 Dan — 62,700 Asher — 41,500 Naphtali — 53,400 A vekpi: — 603,550

⁴⁷Levi te sia nam dangte min kikhumna ah kihel ngawl hi,

⁴⁸banghang ziam cile TOPA in Moses tungah,

⁴⁹“Ngalkap na a seam thei tu mihingte na sim ciang, Levi namte kihelsak heak in.

⁵⁰Ahizong Levi te ka ompui na Puanbuk le a vanhzak nate theampo a uk tu in koi in. Amate in Puanbuk le a vanhte pua tu uh a, a sungah naseam in tua Puanbuk kiim ah ngiaphual saat tu uh hi.

⁵¹Na ngiaphual na khiin simin Levi te in Puanbuk phel tu a, ngiaphual thak ah thua kik tu uh hi. Midang khat pawpo Puanbuk nai ah a pai le kithatlum tu hi.

⁵²A taanglai Israel te in amate tek ii, laandial nuai ah a hon a hon in ngiaphual saat tu uh hi.

⁵³Khat po in puanbuk nai ah pai in a neak le ka thin uuk tu a, Israel taangpite daan ka pia tu hi, tua ahikom Levi te in Puanbuk kiim ah ngiaphual saatin cing tu uh hi,” ci hi.

⁵⁴Tuabangin TOPA ii Moses a thupiakte theampo Israel mite in seam siat uh hi.