Read Siyin Chin Mi Simna 2 Bible Online

Mi Simna 2 - Siyin Chin bible

Mi Simna 2

¹TOPA in Moses le Aaron tungah a nuai a bangin thupia hi.

²Israel te in ngiaphual a saat uh ciang a pawlkhenna sung tek le a bee le phung ii laandial nuai tek ah om tu uh hi. Puanbuk kiimkot ah a ngiaphual kisaat tu hi.

³Nisuana sang, Judah pawlkhen ii laandial nuai ah a omte in a lampuite khutnuai ah a nuai a bangin, a pawl a pawl in ngiaphual saat tu uh hi. [Minam] — [Lampui] — [Mihing phaza] Judah — Amminadab tapa Nahshon — 74,600 Issachar — Zuar tapa Nethanel — 54,400 Zebulun — Helon tapa Eliab — 57,400 — A vekpi: — 186,400 Judah pawlkhen ah a omte pai masa tu uh hi.

¹⁰Thangsang Reuben ii laandial nuai ah a omte in a lampuite khutnuai ah a nuai a bangin, a pawl a pawl in ngiaphual saat tu uh hi: [Minam] — [Lampui] — [Mihing phaza] Reuben — Shedeur tapa Elizur — 46,500 Simeon — Zurishaddai tapa Shelumiel — 59,300 Gad — Deuel tapa Eliasaph — 45,650 — A vekpi: — 151,450

¹⁷Tuaciang a masa pawl niite le a nungsang pawl niite kilaklaw ah Levi mite in Puanbuk pua in pai tu uh hi. A pawl a pawlin amate laandial nuai tek ah ngiaphual saat in a om bangma in a pai ciang zong tuabang ma in pai tu uh hi.

¹⁸Nitumna sang, Ephraim pawlkhen ii laandial nuai ah a omte in a lampuite khutnuai ah a nuai a bangin, a hon a hon in ngiaphual saat tu uh hi: [Minam] — [Lampui] — [Mihing phaza] Ephraim — Ammihud tapa Elishama — 40,500 Manasseh — Pedahzur tapa Gamaliel — 32,200 Benjamin — Gideoni tapa Abidan — 35,400 — A vekpi: — 108,100 Ephraim pawlkhen ah a omte a thumna in pai tu uh hi.

²⁵Saksang Dan pawlkhen ii laandial nuai ah a omte in a lampuite khutnuai ah a nuai a bangin, a hon a honin ngiaphual saat tu uh hi. [Minam] — [Lampui] — [Mihing phaza] Dan — Ammishaddai tapa Ahiezer — 62,700 Asher — Ochran tapa Pagiel — 41,500 Naphtali — Enan tapa Ahira — 53,400 — A vekpi: — 157,600 Dan ii pawlkhen ah a omte a khak belin pai tu uh hi.

³²Pawlkhen te sungah a pawl a pawl zui in, Israel mite kisim a, a vekpi 603,550 pha hi.

³³Moses tungah TOPA thupiak sa bangma in Levi te sia Israel dangte taw kisim khawm ngawl hi.

³⁴Tuabangin Moses tungah TOPA thupiak sa theampo Israel mite in vawt siat uh hi. Amate sia a laandial nuai tek ah ngiakin, tuaciang amate bee le phung zui in pai uh hi.