Read Siyin Chin Mi Simna 26 Bible Online

Mi Simna 26 - Siyin Chin bible

Mi Simna 26

¹Natsiatna a ven ciang TOPA in Moses le Aaron tapa Eleazar tungah,

²“Israel taangpi bup, kum kul le a tungsia, ngalkap a seam thei tu pa theampo a innkuan zui in mihing simna vawt in,” ci hi.

³Moses le Eleazar in a thu ni a, kum kul pan a tungsia a pha, pa theampo kaikhawm hi. Amate sia Jericho pan Jordan Ngunngal khat Moab zaangtam ah kikhawm uh hi. Hite sia Egypt pan a pusuak Israel mite ahi hi.

⁴

⁵Reuben nam (Reuben sia Jacob tapa lianbel hi) pan: Hanoch, Pallu,

⁶Hezron le Carmi bee le phungte ahi uh hi.

⁷Hi nam teng sungah pasal 43,730 om hi.

⁸Pallu suan le paalte sia Eliab,

⁹le a tapate Nemuel, Dathan le Abiram te ahi hi, (Dathan le Abiram sia taangpi ii teal ahi hi. Amate in Moses le Aaron thu nialin TOPA a leedo Korah nungzuite taw kikop hi.

¹⁰Lei kihongin amate valhlum a, amate le Korah thi uh hi, tuaciang a nungzui pasal 250 teng mei in kaanghlum a, amate sia mihingte kidopna tu suak hi.

¹¹Ahizong Korah tapate kithatlum ngawl hi.)

¹²Simeon nam pan; Nemuel, Jamin, Jachin,

¹³Zerah le Shaul bee le phungte ahi hi.

¹⁴Hi bee le phungte sungah pasal 22,200 om hi.

¹⁵Gad minam pan : Zephon, Haggi, Shuni,

¹⁶Ozni, Eri,

¹⁷Arod le Areli bee le phungte ahi hi.

¹⁸Hi bee le phungte sungah pasal 40,500 om hi.

¹⁹Judah nam pan: Shelah, Perez, Zerah, Hezron le Hamul bee le phungte ahi hi. (Judah ii tapa nii ahi Er le Onan sia, Canaan ngam ah thi hi.)

²⁰

²¹

²²Hi bee le phungte sungah pasal 76,500 om hi.

²³Issachar nam pan: Tola, Puah,

²⁴Jashub le Shimron bee le phungte ahi hi.

²⁵Hi bee le phungte sungah pasal 64,300 om hi.

²⁶Zebulun nam pan: Sered, Elon, le Jahleel bee le phungte ahi hi.

²⁷Hi bee le phungte sungah pasal 60,500 om hi.

²⁸Tapa nii ii pa Joseph namte sia Manasseh le Ephraim ahi hi.

²⁹Manasseh nam pan: Manasseh tapa Machir sia Gilead ii pa hi a, a nuai a bee le phung teng sia Gilead ii suante:

³⁰Iezer, Helek,

³¹Asriel, Shechem,

³²Shemida le Hepher bee le phungte ahi hi.

³³Hepher tapa Zelophehad in tapa nei ngawl a, tanu bek nei hi. A tanute min sia Mahlah, Noah, Hoglah, Milcah le Tirzah ahi hi.

³⁴Hi bee le phungte sungah pasal 52,700 om hi.

³⁵Ephraim nam pan: Shuthelah, Becher, le Tahan bee le phungte ahi hi.

³⁶Eran bee le phung sia Shuthelah ii suan le paalte ahi hi.

³⁷Hi bee le phungte sungah pasal 32,500 om hi. Hi bee le phungte sia Joseph ii suan le paalte ahi hi.

³⁸Benjamin nam pan: Bela, Ashbel, Ahiram,

³⁹Shephupham le Hupham bee le phungte ahi hi.

⁴⁰Ard le Naaman bee le phungte sia Bela ii suan le paalte ahi hi.

⁴¹Hi bee le phungte sungah pasal 45,600 om hi.

⁴²Dan nam pan: Hushim bee le phung hi a,

⁴³pasal 64,400 om hi.

⁴⁴Asher nam pan: Imnah, Ishvi, le Beriah bee le phungte ahi hi.

⁴⁵Heber le Malchiel bee le phungte sia Beriah ii suan le paalte ahi hi.

⁴⁶Asher in ta numei khat nei a, a min Serah ahi hi.

⁴⁷Hi bee le phungte sungah pasal 53,400 om hi.

⁴⁸Naphtali nam pan: Jahzeel, Guni,

⁴⁹Jezer, le Shillem bee le phungte ahi hi.

⁵⁰Hi bee le phungte sungah pasal 45,400 om hi.

⁵¹Israel pasal a vekpi in 601,730 pha hi.

⁵²TOPA in Moses tungah,

⁵³“A mi phaza zui in, hi namte ngam hawmsak in.

⁵⁴Lai meetang sawkin ngam hawmsak in a, mi tam namte ngamzai pia in, mi tawm namte ngamno pia in,” ci hi.

⁵⁵

⁵⁶

⁵⁷Levi nam sungah Gershon, Kohath le Merari bee le phungte kihel hi.

⁵⁸A suan le paalte sungah Libni, Hebron, Mahli, Mushi, le Korah bawngte kihel hi. Kohath sia Amram ii pa hi a,

⁵⁹Amram in Egypt pan a piang Levi ii tanu Jochebed teenpui hi. Ama in Amram taw tapa nii, Aaron le Moses le tanu khat Miriam nei hi.

⁶⁰Aaron in tapa li nei a, Nadab, Abihu, Eleazar le Ithamar ahi hi.

⁶¹Nadab le Abihu te sia TOPA tungah a thiangtho ngawl meihal biakpiakna a piak ciang thi khawm hi.

⁶²Levi mite tha khat pan a tungsia pa 23,000 pha hi. Amate Israel ngam sungah neisa bangma kipia ngawl ahikom Israel midangte taw kihel ngawlin a tuamin kiciamtee hi.

⁶³Hi bee le phungte theampo Moses le Eleazar in Jericho pan, Jordan Ngunngal khat Moab zaangtam ah Israel mite mihing simna a vawt lai a kiciamtee ahi hi.

⁶⁴Moses le Aaron ii Sinai Sennealngam ah mihing sim phit lai in a kihelte khat zongh taang nawn ngawl hi.

⁶⁵TOPA in amate a vekpi in dui sungah thi siat tu hi, a ci bangin Jephunneh tapa Caleb le Nun tapa Joshua simngawl thi siat hi.