Read Siyin Chin Mi Simna 3 Bible Online

Mi Simna 3 - Siyin Chin bible

Mi Simna 3

¹Hiteng sia, TOPA ii Sinai Mual tungah Moses a paupui hun lai a, Aaron le Moses ii innkuanpuite ahi hi.

²Aaron in tapa li nei a: a tapa lianbel Nadab hi a, Abihu, Eleazar le Ithamar te ahi hi.

³Amate thiampi suak tu in sathau kinoai a, thupha piak kipsakna a ngate ahi hi.

⁴Ahizong, Nadab le Abihu te sia Sinai Sennealngam ah a thiangtho ngawl meihal biakpiakna TOPA tungah a piak ciang, kithatlum hi. Amate in ta nei ngawl ahikom Aaron nuntak hunsung teng Eleazar le Ithamar in thiampi na seam uh hi.

⁵TOPA in Moses tungah,

⁶“Levi minamte paipui in a, thiampi Aaron ii naseam tu in panmun pia in.

⁷Amate in keima ompuina Puanbuk atu in a kisamh bang le thiampite atu le taangpite atu a kisamh bang seam tu uh hi.

⁸Amate in Puanbuk sungah a om vanh theampo keamcing tu uh a, a taanglai Israel te atu in naseam tu uh hi.

⁹Levi mite ii vaipuak sia Aaron le a tapate ii na a sepsak tu bek ahi hi.

¹⁰Thiampi na a seam tu in Aaron le a tapate nasep na pia tu a; midang khat pawpo hi na a seam nuam sia kithatlum tu hi,” ci hi.

¹¹TOPA in Moses tungah,

¹²“Tu in Levi mite keima aa hi tu hi. Egypt te ii taciil theampo ka thalup lai in Israel te innkuan tek pan tapa upabel le a ngannote sung pan a suakciil theampo keima atu in ka thiangthosak hi. Tu in Israel mite tapaciilte taangin Levi mite keima aa ahi hi; amate keima neisa hi tu hi. Keima in TOPA ka hi hi.” ci hi.

¹³

¹⁴Sinai Sennealngam ah TOPA in Moses tungah,

¹⁵Levi mite ii bee le phungte le innkuante zui in, tha khat pan a tungsia a pha pa peuma a min la in tepteena vawt tu in sawl a,

¹⁶a thupiak bangin Moses in seam hi.

¹⁷Levi in tapa thum nei a: Gershon, Kohath le Merari ahi hi. Tuate amate min a kivaw bee le phungte ii taanghpupite ahi hi. Gershon in tapa nii nei a: Libni le Shimei ahi hi; Kohath in tapa li nei a: Amram, Izhar, Hebron le Uzziel ahi hi; Merari in tapa nii nei a; Mahli le Mushi ahi hi. Amate sia amate min a kivaw innkuante ii taanghpupite ahi uh hi.

¹⁸

¹⁹

²⁰

²¹Gershon ii bee le phung sia Libni innkuante le Shimei innkuante ahi hi.

²²Tha khat pan a tungsia a pha pa peuma kisim a, a vekpi in 7,500 pha hi.

²³Hi bee le phung sia nitumna sang Puanbuk nungsangah ngiaphual saat tu a,

²⁴Lael tapa Eliasaph in bee le phung ii ukpi seam tu hi.

²⁵Amate in Puanbuk, a sungsang sitna, a puasang sitna, a sung tumna kongbiang puankhai,

²⁶biaknatau le Puanbuk kiim kikhop na munah a om puankhakte le tuasia sung tumna kongkha puankhaite vaipuak la tu hi. Amate in hi nate taw a kipee-aw nasep theampo vaipuak la tu uh hi.

²⁷Kohath bee le phungte sia Amram innkuante, Izhar innkuante, Hebron innkuante le Uzziel innkuante ahi uh hi,

²⁸Tha khat pan a tungsia pa peuma sazian kila a, a vekpi in 8,600 pha hi.

²⁹Hi bee le phung te sia Puanbuk thang sangah ngiaphual saat tu a,

³⁰Uzziel ii tapa Elizaphan in bee le phung ukpi seam tu hi.

³¹Amate in Thuciamna Thingkuang, Sabuai, meidetna khuam, biaknataute, Mun Thiangtho ah thiampite ii zak vanhte le Thiangthobel Mun sung tumna ah puankhai vaipuak la tu uh hi. Amate in hi nate taw a kipee-aw nasep theampo vaipuak la tu uh hi.

³²Levi mite ii ukpi sia thiampi Aaron tapa Eleazar hi. Ama sia Mun Thiangtho ah naseamte a ukpa ahi hi.

³³Merari bee le phung sia Mahli le Mushi innkuante a kingawm ahi hi.

³⁴Kum khat pan a tungsia pa peuma sazian kila a, a vekpi in 6,200 pha hi.

³⁵Hi bee le phung sia Puanbuk saksang ah ngiaphual saat tu a, Abihail tapa Zuriel in bee le phung ii ukpi seam tu hi.

³⁶Amate in Puanbuk sakna thingpheakte, a zawlte, a khuamte, a tawdapte le a kipeepui theampo vaipuak la tu uh hi. Ama te in hi nate taw a kipee-aw nasep theampo vaipuak la tu uh hi.

³⁷Amate in khuamte, tawdapte, khetphinte le a puasang kikhopna mun atu khaute zongh vaipuak la tu uh hi.

³⁸Moses le Aaron le Aaron tapate in nisuana sang Puanbuk mai ah ngiaphual saat tu uh hi. Amate in Israel mite atu in Mun Thiangtho ah sep tu nasep theampo vaipuak la tu uh hi. Mihing khat pawpo tua nasep sep tu a sawm sia kithatlum tu hi.

³⁹TOPA thupiak bangin Moses in Levi te bee le phung zui in tha khat pan a tungsia a pha pa peuma sazian la a, a vekpi in 22,000 pha hi.

⁴⁰TOPA in Moses tungah, “Israel te tapa a suakciil theampo keima aa hi. Tua ahiciang tha khat pan a tungsia Israel te tapa a suakciil theampo min tepteena lai vawt in. Ahizong amate tapa suakciil theampo taangin Levi te theampo keima aa ka suaksak hi! Keima in TOPA ka hi hi! Tua banah nganno suakciil theampo taangin Levi te ngannote keima aa ka suaksak hi.” ci hi.

⁴¹

⁴²Moses in a thu ni a, tapa suakciil tha khat pan a tungsia theampo sazian la in,

⁴³a vekpi kingawm in 22,273 pha hi.

⁴⁴TOPA in Moses tungah,

⁴⁵“Tu in Israel te tapa suakciil theampo taangin Levi te keima atu in hong aap ta'n a, Israel te nganno suakciil theampo taangin Levi te ii ngannote zongh hong aap ta'n.

⁴⁶Israel te tapa a suakciilte sia Levi te sangin 273 in tamzaw ahikom a vaal tapate lei kik nanak tu ni hi.

⁴⁷Biakbuk ah a kizangh ngeina om bangin tapa khat ciang ngunntang nga pia in a,

⁴⁸hi sumte Aaron le a tapate tungah pia in” ci hi.

⁴⁹Moses in a thu ni a,

⁵⁰ngunntang 1,365 la in,

⁵¹Aaron le a tapate tungah pia hi.