Read Siyin Chin Mi Simna 35 Bible Online

Mi Simna 35 - Siyin Chin bible

Mi Simna 35

¹Jericho khua pan Jordan ngun ngalkhat Moab zaangtam ah TOPA in Moses tungah,

²“Israel te ii a nga a neisate sung pan Levi te teen natu in khuapi pawlkhat le a khuapite kiimkot ah ngan tha natu leitang a piak nanak tu in son in.

³Hi khuapite Levi te neisa hi tu a, tua munah amate teang tu uh hi. Tua nganthana mun sia a khui le a nganno dangte theampo atu hi tu hi.

⁴Nganthana mun sia khuapi luphungte pan a kiimkot metre 450 veu zai tu hi,

⁵Tua hile ngantha natu sia khuapi kiimkot teng hi a, a pangh kikim kiing li nei, a pangh khat metre 900 veu zai tu a, a laizang ah khuapi om tu hi.

⁶Levi te tungah bukna khuapi luk na pia tu uh a, mi khat pawpo in mihing khat a that tha le a buk natu hi tu hi. Tuasia belapna in a dang khuapi sawmli le nii zongh a nganthana taw kop in amate pia thua vun,

⁷a vekpi in sawmli le liat hi.

⁸A nam khat sim ii sungah Levi te ii khuapi phaza tu sia, a ngam letna taw kizui in kikhensat tu hi,” ci hi.

⁹TOPA in Moses tungah,

¹⁰Israel mite a sonsawn tu in thupia a: “Jordan Ngun kaanin Canaan ngamsung na tum uh ciang,

¹¹ngaisut khol ngawlin mi khat in ngual a that tha le ama suatak thei natu in a buk natu khuapite teal tu nu hi.

¹²Tua munah mithi pa mealheak a phula nuam sia ii khut sung pan suakta tu hi. Mihing that hi ci in a kimawsak pa sia mipi mai ah thu a kikhensat mateng kithat ngawl tu hi.

¹³Khuapi luk,

¹⁴Jordan nisuana sangah thum le Canaan ngam sungah thum teal vun.

¹⁵Hi khuapi luk te sia Israel mite le tawmvei sung ahizong a tawntung ahizong a teang ngamdangmite atu in bukna hi tu hi. Ngaisut khol ngawlin mi khat a that tha pawpo in tua khuapi khat pawpo zuan thei tu hi.

¹⁶“Ahihang mihing khat in thik, suang ahibuale moltawng zanghin ngual khat a that le, ama sia mihing that mawna nei a kithatlum tu hi.

¹⁹Thalup a thuak pa ii a mealheak kinai puibel sia in tua mi that pa a thalup tu vaipuak nei hi. Tua mi that pa a mu po ciang ama in that tu hi.

²⁰“Mihing khat in ngual khat ngaimaw in sawnvawk ahibuale bang khat po taw deangin,

²¹ahibuale a khuttum taw thongin a that le ama sia mihing that mawna nei a, kithatlum tu hi. Thalup a thuakpa ii a mealheak kinaipuibel sia in mi that pa a thalup tu vaipuak nei hi. Tua pa a mu ciang ama in that tu hi.

²²“Ahizong sonteena in mihing khat in a ngaimawk ngawl ngual khat po sawnvawk a, ahibuale bang khat po taw deang in that tha hi.

²³Ahibuale a liamsua nuam hi ngawl, a ngal zongh hi ngawl napi khua en ngawlin a suang den khat taw midang khat kha in that tha hi.

²⁴Tuabang thute ah taangpite in a thi sia ii bee pa, a phula nuam sia pa panpui ngawlin mihing a thisak pa panpui in thukhen tu hi.

²⁵Taangpite in mihing that mawna nei pa sia, mithi pa beete kung pan ama suatakna a bukna khuapi ah heak kiksak tu hi. Thiampi Lianbelpa ii thi dong tualai a bukna khuapi ah ama teang nanak tu hi.

²⁶Mihing that mawna nei pa sia a suatakna a bukna khuapi nusia a,

²⁷tuaciang mithi pa ii beepa in mu in a thatlum le hi phulaakna sia mi that hi ngawl hi.

²⁸Mihing that mawna nei pa sia a bukna khuapi ah Thiampi Lianbelpa thi dong teang hamtang lai tu a, ahizong tuasia zawkciang cia thei tu hi.

²⁹Hi ngeinate na teenna mun po ah nangma le na suan na paalte ii zui tu ahi hi.

³⁰“Mihing that in, a kimawsiat pa sia a mu tetti nii, ahibuale tetti a tamzaw a om ciang bekin mawnei hi ci in kithatlum thei bek tu hi: tetti khat bek sia mi that hi ci in kimawsiat natu in kicing ngawl hi.

³¹Mihing that pa sia kithatlum tu hi. Ama mawna daan pan a suatak natu in sum taw kitan thei ngawl tu hi.

³²Bukna khuapi ah tai in a buu sa khat sia Thiampi Lianbelpa thi ma in, inn ah a ciakik natu in kitansak heak vun.

³³Na kitansak uh le na teenna ngam le lei a ninsak hi tu nu hi. Mihing thalupna in ngam le lei ninsak a, biakna taw kisai in mihing khat kithalupna mun thiansua natu in mi that sia pa ii a thi tu ngawl buang thudang om ngawl hi.

³⁴Na teenna ngam le lei ninsak heak vun, banghang ziam cile Keima in TOPA ka hi a, Israel mite sungah ka teang hi,” ci hi.