Read Siyin Chin Mi Simna 7 Bible Online

Mi Simna 7 - Siyin Chin bible

Mi Simna 7

¹Moses in TOPA ompuina Puanbuk sak a man ni in, ama in Puanbuk le a vanhte theampo le biaknatau le a vanhte theampo, sathau noai in aapna nei hi.

²Tuaciang Israel minamte sung pan a lampui bee le phung ukpi te ahi, mihing simna ukte in,

³TOPA tungah a biakpiaknate: leang luk le khuital sawm le ni, lampui nii ciang in leang khat veu le lampui khat ciang in khuital khat tek paipui uh hi. Amate in tuate a piak siat zawkciang,

⁴TOPA in Moses tungah,

⁵“Puanbuk atu, nasepna ah zak tu in hi letsongte saang in a; tua teng amate nasepna tu taw kizui in Levi mite tungah pia in,” ci hi.

⁶Tua ahiciang Moses in leangte le khuitalte Levi te tungah pia hi.

⁷Ama in leang nii le khuital li Gershon te tungah pia a,

⁸leang li le khuital liat Mera te tungah pia hi. Amate ii nasep theampo Aaron tapa Ithamar ukna nuai ah kiseam tu hi.

⁹Ahizong Moses in Kohath te tungah leangte ahibuale khuitalte pia ngawl hi, banghang ziam cile amate ii kepcing a thiangtho vanhte a liangko tungah a puak kul hi.

¹⁰Biaknatau aapna vawt natu in lampuite zongh in biakpiaknate paipui uh hi. Amate in a letsongte biaknatau ah pia tu in a kingin ciang,

¹¹TOPA in Moses tungah, “Biaknatau aap natu in, lampuite khat in a letsongte ni sawm le ni nii hun sung ni sim pia tu hi ci in amate son in,” ci hi.

¹²Amate in piakkhiatnate a nuai a bangin pia uh hi: [A ni] — [Anam] — [Lampuipa] Ni 1 ni — Judah — Amminadab ii tapa Nahshon Ni 2 ni — Issachar — Zuar ii tapa Nethanel Ni 3 ni — Zebulun — Helon ii tapa Eliab Ni 4 ni — Reuben — Shedeur ii tapa Elizur Ni 5 ni — Simeon — Zurishaddai ii tapa Shelumiel Ni 6 ni — Gad — Deuel ii tapa Eliasaph Ni 7 ni — Ephraim — Ammihud ii tapa Elishama Ni 8 ni — Manasseh — Pedahzur ii tapa Gamaliel Ni 9 ni — Benjamin — Gideoni ii tapa Abidan Ni 10 ni — Dan — Ammishaddai ii tapa Ahiezer Ni 11 ni — Asher — Ochran ii tapa Pagiel Ni 12 ni — Naphtali — Enan ii tapa Ahira Khatsim ii a paipui biakpiaknate kibang siat hi: antang biakpiakna tu in biakinn ah a kizangh ngei khaikhin taw a kitee, kilogramme 1.5 a ngit ngunn khawbeam khat le gram 800 a ngit ngunn kuang khat ii dim sathau taw hel anvui; ngimnamtui taw a kidim gram 110 a ngit khamh pakan khat; meihal biakpiakna tu in khuital moi k(...)

⁸⁴Lampui sawm le niite ii biaknatau aap natu a, a paipui biakpiaknate a vekpi in a nuai a bang ahi hi; - Ngunn khawbeam sawm le nii le ngunn kuang sawm le nii a kingawm in kilogramme 27.6 ngit hi. - ngimnamtui taw kidim khamh pakan sawm le nii hi a, a kingawm in kilogramme 1.32 ngit hi. - Meihal biakpiaknate atu in khuital sawm le nii, tuutal sawm le nii, le kum khat a pha tuuno sawm le nii, tua teng taw piakkhop tu antang biakpiaknate, - Mawphel biakpiaknate atu in keal sawm le nii, - Pawlkhop biakpiaknate atu in khuital 24, tuutal 60, keal 60, kum khat a pha tuuno 60.

⁸⁹TOPA taw kipaupui tu in Puanbuk sungah Moses a tum ciang, Thuciamna Thingkuang sitna tungah a om Cherubim nii kilaklaw pan TOPA paupuina ama in za hi.