Read Siyin Chin Mi Simna 9 Bible Online

Mi Simna 9 - Siyin Chin bible

Mi Simna 9

¹Israel mite Egypt a nusiat zawk a kum niina, tha masabel in Sinai Sennealngam ah TOPA in Moses paupui hi.

²Ama in, “Israel mite in sep tu le zui tu ngeina om bangin tu tha ni sawm le ni li ni, nitum ciang kipanin Paisan Poai vawt tu uh hi.” ci hi.

⁴Tua ahikom, Moses in mipite tungah Paisan Poai vawt tu son a,

⁵amate in Sinai Sennealngam ah tha masabel ni sawm le ni li ni nitakin, poai vawt uh hi. TOPA in Moses tungah a thupiak bangin mihingte in vawt tu teng vawt siat uh hi.

⁶Ahizong mihing pawlkhatte mithi luang tham a, biakna taw kisai in thiang ngawl ahikom tua ni Paisan Poai ah kihel thei ngawl uh hi. Amate in Moses le Aaron kungah pai a,

⁷“Kote in mithi luang khat thamin, ka thiang bua uh hi, ahizong Israel dangte ii TOPA tung biakpiakna ah banghang hong kihelsak ngawl nu ziam?” ci uh hi.

⁸Moses in, “TOPA tung pan sawlna thu ka nga dong ngak zii vun,” ci in zo hi.

⁹TOPA in Moses tungah,

¹⁰Israel mite tungah a son tu in, “Note khat po, ahibuale na suan na paalte ii mithi luang a tham hu in thiang ngawl a, ahibuale khual khuala haw in, ahihang Paisan Poai a siim nuam veve le,

¹¹tha khat zawkciang, a tha niina ni sawm le ni li ni, nitakin poai vawt thei tu nu hi. Tol saw ngawl anluum le antee khaa taw poai vawt vun.

¹²A zingsang dongin anneakvaal koi heak vun a, tua a kingo nganhing ii ngute khat zongh thiaktan heak vun. Zui tu ngeina theampo om bangin Paisan Poai vawt vun.

¹³Ahizong mihing khat po biakna taw kisai in thiang a, khual zongh haw ngawl napi Paisan Poai a vawt bua ahile ka mi khat in kingaisun nawn ngawl tu hi, banghang ziam cile a hunin biakpiakna hong piak ngawl hang ahi hi. Ama in a mawna hu in thuak nanak tu hi.

¹⁴“Note sungah ngamdangmi khat in Paisan Poai a vawt nuam ahile sep tu le zui tu ngeina om theampo vawt tu hi. Ngamdangmi hikale ngamsung mi hikale a kuama po zui tu in a kibang thukham ahi hi,” ci in sawl hi.

¹⁵TOPA ompuina Puanbuk a kisak ni in, meei hong kaai a Puanbuk tuamcip hi. Zan in tua meei sia mei bangin taang hi.

¹⁷Tua meei a kikhaangto simin Israel te in Puanbuk phel a, meei a tuaksukna munah Puanbuk sa kik uh hi.

¹⁸TOPA thupiak bangin mite in ngiaphual phelin, ama thupiak bangin ngiaphual saat uh hi. Puanbuk tungah meeikaai a taam laiteng tua ngiaphual sung ma ah amate taam uh hi.

¹⁹Khuangei mama Puanbuk tungah meeikaai a taam ciang amate in TOPA thu ni in kikhiin ngawl uh hi.

²⁰Khat vevei ni tawmvei sung bek Puanbuk tungah meeikaai om a; bangbang po hikale TOPA thupiakna bangin amate taam a, ahibuale kikhiin uh hi.

²¹Khat vevei nitak pan zingsang dong bek meei om a, meei a kilapto po ciang amate kikhiin uh hi. Meei a kilapto hun simin amate kikhiin tan uh hi.

²²Ni nii ahizong, tha khat ahizong, kum khat ahizong, khuangei zaw ahizong, Puanbuk tungah meei a om laiteng, amate zongh kikhiin ngawl hi; ahizong meei a kilapto ciang amate kikhiin uh hi.

²³TOPA ii Moses tungtawn a, a thupiak bang ni in, amate in ngiaphual saatna, ngiaphual phelna te seam uh hi.