Read Siyin Chin Zechariah 7 Bible Online

Zechariah 7 - Siyin Chin bible

Zechariah 7

¹Darius sia kumpilianpa in a maan zawk a kum lina, a tha kuana (Kislev tha), a ni li ni in TOPA in kei tungah thu khat hong pia hi.

²Bethel mite in Sharezer le, Regemmelech le a mite sia Vaanglianbelpa TOPA Biakinnpi ah TOPA thupha dei in thungen tu le

³thiampite le kamsaangte tungah hi bangin thu dongh tu in paisak hi, “Biakinnpi a kilalsak hu in kum tam mama sung ka vawt sa uh bangma, tu in a tha nga tha in, an tanna taw khuangai in om lai tu khu ziam?” ci hi.

⁴Hi thu sia TOPA ii thupuak hi a, kei tungah hong theng hi.

⁵Ama in, “Ngamsung a mite le thiampite ii hi kum sawmsali sung tawntung a tha ngana le a tha sali na ah khuangai in an a tan uh ciang kei hong patoai ahi ngawlna sia amate tungah son ta'n.

⁶Amate in a neak a dawn ciang amate lungkim natu bek ahi hi,” ci hi.

⁷Hi thu in Jerusalem khangto a, mihing taw a kidim hun lai, mihing tam mamate tua khuapi kiim a om khuate sung bek ah teang ngawlin thangsang ngamkhen le nitumna sang mualpeang te zongh ah a teen hun lai pekin kamsaang masate tungtawn a, TOPA ii sonsa ahi hi.

⁸TOPA in Zechariah tungah hi thu puak hi:

⁹“Khua ngeipi lai in ka mite munah hi thupiakte ka pia hi: ‘Thukhaikim in seam vun a, khat le khat dikna le kihesuakna nei hamtang tavun.

¹⁰No sungah hong teang ngamdangmite, meingong tangate ahizong, a cimaw dangte ahizong, zothaw ngawl tu nu hi. Khat le khat kisuksiat natu a nanamin sawm ngawl tu nu hi.’

¹¹“Ahihang ka minamte thinpui in hong nangai ngawl uh hi. Amate in a thinsung kongkhate khakin,

¹²a lungtangte suang bangin saksak uh hi. Khua ngeipi lai a kamsaangte tungtawn a ka hil thute ngai nuam ngawl ahikom, ka thin uuk mama hi.

¹³Ka pau ciang hong ngai ngawl uh ahikom, thu hong nget uh ciang ka zo bua hi.

¹⁴Amate ngamdang ah a teang tu in, vuipi suangval bangin ka niil keak hi. Hi ngampha na sungah a teang om ngawl a, ngamtongta in kinusia hi,” ci hi.