Read Siyin Chin Matthew 15 Bible Online

Matthew 15 - Siyin Chin bible

Matthew 15

¹Tua zawkciang Jerusalem panin, Thukham hil syate pawlkhat Jesus kungah pai in,

²“Banghangin na nungzuite in ih taanghpupite hilnate ni ngawl ziam? A anneak ma in a ngeina bangin a khut sil ngawl hi!” ci in dongh hi.

³Jesus in, “Tua ahile Pathian thupiakte banghang ni ngawlin, noma phuatawm kihilnate zui nu ziam?

⁴Banghang ziam cile Pathian in, ‘Na pa le na nu zakta vun’. Tuaciang ‘A pa ahibuale a nu a haamsiat pawpo sia thalupna thuak tahen,’ kici hi.

⁵Mihing khat in a pa ahibuale a nu a hu natu a, a kizangh thei na khat pawpo sia, ‘Hi sia Pathian atu a kipiasa hi’ ci pole,

⁶a pa zatak vawt kul nawn ngawl hi, ci in thuhil nu hi. Hi bangin noma le noma na kihilna te na zui uh ciangin, Pathian thupiaknate paltan na hi uh hi.

⁷No a kihitheamsakte awng! no huvau Isaiah ii sonkholnate bangza in maan ziam!

⁸‘Hi mite in a kammal uh taw kei zatakna hong pia hi; ahihang a thinsung sia kei taw kikhuala hi,’ Pathian in ci hi.

⁹Kei hong biakna sia amate atu in kimanna om ngawl hi. Banghang ziam cile amate in mihingte ii vawttawm ngeina sia, kei ii thukham bangin kihil uh hi!”

¹⁰Tuaciang Jesus in mihonpite samin hi bangin ci hi, “Ngai vun a, tel tavun!

¹¹Mihing khat a kam sungah a tum suk sia in ama zeksa ngeina bangin ninsak ngawl hi, a kam sung pan hong pusuak sia in ama ninsak hi,” ci hi.

¹²Tua zawkciangin a nungzuite, ama kungah pai in, “Tu a na pau teng a zaak ciangin, Pharisee te ii maktak hunlam na he ziam?” ci in dongh uh hi.

¹³“Vantung a ka Pa ii suan ngawl peuma a kung simin kibotkeak tu hi,” ci in Jesus in zo hi.

¹⁴“Amate tungtaang ah thinngim heak vun! Amate sia mittawte lampui mittawte ma ahi uh hi; mittaw khat in a dang mittaw khat lam a lak le, a nii in dum sungah taak suk tu hi,” ci hi.

¹⁵Peter in, “Hi thu sonteena sia hong sonthiang ta'n,” ci hi.

¹⁶Jesus in, “No sia ngualdangte sangin ciimzaw tuan ngawl nu ziam?

¹⁷Tel ngawl nu ziam? Mihing khat a kam sung a tumsuk peuma sia a ngilpi uum sung thengsuk a, tuasung panin a pumpi puasia ah pusuak hi.

¹⁸Ahihang kam sung pan a pusuakte sia thinsung pan hong pai hi a, hite in mihing khat sia zeksa taw kisai in ninsak hi.

¹⁹Banghang ziam cile a thinsung panin, ngitlo ngaisutnate hong pai a, ama sia mihing thalup natu, palngul natu, numei le pa khial natu; sutol natu, leilot natu le ngual min siatsak natu, in lamlak ahi hi.

²⁰Hite in mihing khat sia ninsak hi. Ahihang amate ci bangin, khut sil ngawlin anneakna in, mihing khat sia ninsak ngawl hi.”

²¹Jesus in tua mun pan dingin, Tyre le Sidon khuapi taw a kinai ngam ah pai hi.

²²Tua ngam ah a teang Canaan numei khat ama kungah hong pai hi. “David Tapa awng!” ci in au a, “Topa hong hesuak ta'n! Ka tanu doai vei in ngim mama hi,” ci hi.

²³Ahihang Jesus in ama kam khat zongh a paupui bua hi. A nungzuite hong pai a, “Ama ciasak in! Ama in ei hong zui a, au tawntung hi!” ci uh hi.

²⁴Tuaciang Jesus in, “Kei sia tuu mangthang Israel mite mun bek ah hong kipaisak hi,” ci hi.

²⁵Ahihang numeinu in a peang kungah bok a, “Topa awng hong hu ta'n!” ci hi.

²⁶Jesus in, “Tate ii anneak tu laaksak in uite ih piaksak tu sia kilawm ngawl hi,” ci hi.

²⁷Tua ahikom tua nu in, “Tua thu in thumaan hi. Topa awng, ahihang uite ngawngawn zongh, a tote sabuai tung pan a taak annengte ne kana ngawl ziam?,” ci in zo hi.

²⁸Tua hi a Jesus in, “Nang sia upna lian a nei numei khat na hi hi! Na deina bang nang tungah hong tung tu hi,” ci hi. Tua hun lian laitakin a tanu dam thiang hi.

²⁹Jesus in tua mun nusia in Galilee tuili hui ah pai hi. Mualtung khat ah kaato in to hi.

³⁰Ama kungah mihon hong paite in peangbai, mittaw, a koncip, a pau thei ngawl le ciina dang tam mama te, Jesus kungah paipui uh a; Jesus in amate damsak hi.

³¹A pau thei ngawlte pau thei a, a koncipte dam in, peangbaite lampai thei a, mittawte in khua a mu thei uh ciang, tua munah mihingte in, lamdang sa in Israel te ii Pathian minthang pok uh hi.

³²Jesus in a nungzuite samin “Hi mihingte hu in ka thinnuam ngawl hi, banghang ziam cile, tu in ni thum pha zo a, bangma neak tu nei ngawl hi. Anvaak phot ngawlin cia thongsak nuam ngawl khi hi, banghang ziam cile, a inn uh a zot ciang lampi ah ngilkial in pukhong siat tu hi,” ci hi.

³³Nungzuite in, “Hi sennealngam sungah mihing hiza neakkhom tu an, koisung pan nga thong tu khu ziam?” ci uh hi.

³⁴“Anluum bangza nei nu ziam?” ci in Jesus in dongh hi. “Anluum sali le ngasa no tawm nei ung,” ci in zo uh hi.

³⁵Tua ahikom Jesus in mipite lei ah tosak hi.

³⁶Tuasia ciang Jesus in anluum sali le ngasate la in, Pathian tungah lungdam a ko zawkciang, balneen in a nungzuite pia hi; tuaciang in nungzuite in mipite pia sawn uh hi.

³⁷Amate theampo in ne uh a, kham tek uh hi. Nungzuite in a kham vaal uh khum sali dimin seng lai uh hi.

³⁸Numei patang sim ngawlin pasal an ne peuma mihing tulli pha uh hi.

³⁹Tua zawkciang mipite sia Jesus in ciasak a, ama zongh ngunkuang tungah to in Magadan ngam ah pai hi.