Read Siyin Chin Thuhil kikna 13 Bible Online

Thuhil kikna 13 - Siyin Chin bible

Thuhil kikna 13

¹“Kamsaang khat ahibuale mang khia thei khat in,

²nidang in na biak ngeingawl pathiante a bia tu le a naseam tu in hong zolna in nalamdang lakna khat ahibuale a lamdang na khat hong kamciam thei tu hi. Ama hong kamciamte tak suakin a maan hial zong,

³ama awlmawk heak vun. TOPA sia na thin theampo taw na it takpi ziam ci in hong heak nop manin, TOPA na Pathian in tua pa zangh in hong ze et ahi hi.

⁴TOPA zui in zatak vawt vun; a thu ni in a thupiakte zui vun. Ama bia in, a tungah thumaan vun.

⁵Ahizong na saltanna Egypt pan hong suatak TOPA langpan tu in hong sawl mangkhia theite ahibuale kamsaangte peuma thatlum vun. Tua bang mite sia misia hi a, noma nuntak natu a TOPA ii hong thupiak nuntakna sia pan hong pialpui nuam hi. Hi siatna taw na kipeal natu in amate thalup kul tu hi.

⁶“Na suapui, na tapa, na tanu, na it na zi, na lawm phabel te ngawngawn in noma le na taanghpupite ii na biak ngeingawl uh pathian dangte bia tu in hong hanthawn ku thei tu hi.

⁷Amate khat pawpo in na nai a teang mite ii pathiante ahibuale a khualana ah a teang mite pathiante bia tu in hong hanthawn thei tu hi.

⁸Ahizong ama in zolsak heak vun a; a thu zongh ngai heak vun. Khuangaihuai sa in hesuak heak vun a, amate sungsia heak vun.

⁹Amate that vun! Suang taw a deang masabel hi vun a, tua zawkciang midangte theampo zongh in deangsak vun.

¹⁰Amate suang taw deanglum vun! Na saltanna Egypt pan hong suatak TOPA na Pathian kung pan lam hong pialpui nuam hi.

¹¹Tua hile Israel mite theampo in thupiang teng za tu a; lau tu uh hi, tuaciang kuama in hi bang a sia ngamta kik nawn ngawl tu uh hi.

¹²“TOPA na Pathian hong piak khuate sungah na teen uh ciang,

¹³a masa na biak ngeingawl uh pathiante a bia tu in na minam sung pan mihing ngina ngawl pawlkhat in amate khua puite a lampui khialna thu na za thei tu uh hi.

¹⁴Tuabang kamleang na za uh le a maan le a maan ngawl kantel vun a; hi bang thu pha ngawl piang takpi ahile,

¹⁵tua khua mite theampo le a ngannote theampo zongh thatlum siat vun. Tua khua lalcipsak vun.

¹⁶Tua munah a teang mihingte ii neisa theampo khawmtua in khua laizang khawlmun ah seng vun. TOPA na Pathian tungah biakpiakna in tua khua le a sungah a om teng hal siat vun. A tawntungin tua khua sia a lal in kinusia tu a, khua kisaat kik ngei nawn ngawl tu hi.

¹⁷A kisusia nate sung pan note atu in na khat zongh la heak vun, tuasia ciang TOPA thin uukna thai in hong hesuak tu hi. Tuni in kong piak ama thupiakte theampo zui in, a deina bang na seam uh le,

¹⁸na taanghpupite tungah a kamciamsa bangin note hong hesuak in, note hong pungsak tu hi.