Read Siyin Chin 1 Corinth te 2 Bible Online

1 Corinth te 2 - Siyin Chin bible

1 Corinth te 2

¹Suapuite awng, Pathian ii a thumaan thuku hil tu in note kungah kong pai lai in kamthukte le pilna thiamna kong zangh bua hi.

²Banghang ziam cile note taw ka om laitakin, Jesus Christ thu, a tuanin thinglamtee tungah hong thina thute simngawl po thudang teng makngil natu ka khensat sa hi.

³Tua ahikom note kungah kong pai lai in, thazawmin launa taw ka liingcip a,

⁴thu kong hil ciangin mihing ciimna thiamna kammalte kong zangh bua hi, ahizong Pathian Thaa vaangletna hong lakna taw kong hil ahi hi.

⁵Tua ahikom note upna sia mihing ciimna tungah kinga ngawlin Pathian ii vaangletna tungah kinga zaw hi.

⁶Ahizongin thaa lamsang ah a khanthin sate tungah ciimna thu ka thangsak hi. Ahihang tua ciimna in hi leitung ciimna, ahibuale a bo kuan ahi, hi leitung vaangletna a nei leitung ukte ciimna ahi bua hi.

⁷Tua ka thansak ciimna thu sia mihingte ii heak ngawl tu in a kiseal Pathian ii ciimna thuku hi a, ahihang eite minthanna tu in, leitung pian ma ngawngawn in, Pathian koi sa thu ahi hi.

⁸Hi leitung a uk mihingte kuama in, hi ciimna thu a he bua uh hi. He hile, a minthang Topa sia thinglamtee tungah a thatlum buatu uh hi.

⁹Ahitazong, laithiangtho in, “Kuama ii a mu ngeingawl a zaak ngeingawl, suak thei tu in a ngaisut ngeingawl thu sia, ama a itte atu in Pathian ii a vawtkhol sa ahi hi,” a ci bangma ahi hi.

¹⁰Ahihang Pathian in a Thaa taw tua thuku sia eite hong telsak hi. Tua Thaa in Pathian tupnate ii a kiseal a thuthukte dong ngawngawnin na theampo a kan hi.

¹¹Mihing khat ii thu theampo sia ama sungah a om a thaa bekma in he hi; tuabang ma in Pathian thu theampo zongh, Pathian Thaa bekma in he hi.

¹²Eite in hi leitung ii thaa ih saang bua hi; Pathian ii hong piaksa thu theampo ih heak thei natu in, Pathian hong puak Thaa a saangte ih hizaw hi.

¹³Tua ahikom, Thaa a neite tungah thaa taw kisai thumaan thutakte ka hil uh ciangin mihing ciimna ii hong hil kammalte ka pau bua uh a, Thaa ii hong hil kammalte ka pau uh hi.

¹⁴Tua Thaa a nei ngawl peuma in, Pathian Thaa kung pan hong pai thute a saang thei bua hi. Tuabang mihing khat in tua thute tel tatak ngawl hi; ama atu in tuate luithawthong thu ahi hi, banghang ziam cile thaa bulphuna taw bekin a man neina kikhentel thei ahihang hi.

¹⁵Tua Thaa a nei peuma in na theampo ii man neina khentel thei ahihang kuama in ama tungah thu a khen thei bua hi.

¹⁶Laithiangtho in, “Topa thinsung akua in he ziam? Akua in ama, ngaisutna pia thei tu ziam?” a ci bangma ahi hi. Ahizong, eite in Christ thinsung ih nei hi.