Read Siyin Chin Joshua 15 Bible Online

Joshua 15 - Siyin Chin bible

Joshua 15

¹Judah nam innkuante in a nuai a, a kison bangin ngam le lei khen khat nga hi: Tua leitang sia Zin duisung thangsang khakbel mun Edom te ngamngi dong kithungsuk hi.

²Hi thangsang ngamngi sia Tuipi Thi thangsang mong panin,

³Akrabbin Mualciangh zui suk a, Zin ah sun hi. Tuasia Kadesh Barnea thang sangah paisuk a, Hezron kaantan in Addar dong, Karka sangah kiheak a,

⁴Azmon sangah paitanin, Egypt ngamngi ah a luang lui sia zui a, Mediterranean Tuipi ah a ngamngi tawp hi. Tuasia Judah thangsang ngamngi hi.

⁵Nisuana sang ngamngi sia Tuipi Thi hi a, Jordan ngun ii tumna dong tuipi hui to teng ahi hi. A saksang ngamngi sia tua mun panin kipan a,

⁶Beth Hoglah dong kithungin Jordan Kuam etsuk theina mualbawk saksang ah pai hi. Tua zawkciang Bohan ii Suangphuna ah (Bohan sia Reuben ii tapa hi) paito hi.

⁷Ngimna Kuam panin Debir ah, tua zawkciang saksang ah kiheak a, tua kuam ii thangsang a om Adummim Mualciangh sia a maingat Gilgal sang sun hi. Tua zawkciang Enshemesh ciktuite ah paitanin, tua mun pan Enrogel ah paisuak hi,

⁸tuaciang Jebus te khuapi Jerusalem omna mual ii thang Hinnom Kuam kaantan to hi. Tua zawkciang ngamngi sia Rephaim Kuam saksang mong, Hinnom Kuam ii nitumna a om mual dawn dong paito suak hi.

⁹Tua mun pan Nephtoah Ciktui te ah pai in, Ephron mual nai a om khuapite ah paitan hi. Tua mun panin Baalah (ahibuale Kiriath Jearim) sangah kiheak a,

¹⁰tua mun Baalah mual saksang ah paisuak in, nitumna sang teng kiimveal a, Edom mualtung ngam sangah, Jearim mual (ahibuale Chesalon) saksang ah paisuak in, tua mun pan Beth Shemesh ah paisuk a, Timnah kaantan hi.

¹¹Ngamngi sia Ekron saksang mual ah paisuak a, Shikkeron sangah kiheak in, Baalah Mual kaantan hi, tuaciang Jamnia ah paitan hi. Tuasia Mediterranean Tuipi ah tawp a,

¹²tua in a nitumna sang ngamngi ahi hi. Hi ngamngite ii huam sung sangah Judah innkuante ii mi teng teang hi.

¹³TOPA in Joshua a thupiak bangma in Judah nam Jephunneh tapa Caleb tungah Judah ngamkhen khat kipia hi. Ama in Anak ii pa Arba ii khuapi Hebron nga hi.

¹⁴Caleb in Anak ii suan le paal te khuapi panin hawlkhia hi — tuate sia Shesai, Ahiman le Talmai bee le phungte hi.

¹⁵Tua mun pan ama in Debir a teang mite sim hi. (Hi khuapi sia Kiriath Sepher kici ngei hi).

¹⁶Caleb in, “Kiriath Sepher a la zo pa sia a zi tu in ka tanu Achsah ka pia tu hi,” ci hi.

¹⁷Caleb suapuipa Kenaz ii tapa Othniel in tua khuapi la zo ahikom Caleb in a tanu Achsah sia a zi tu in pia hi.

¹⁸A kiteen ni in Othniel in a zi tungah a pa tung pan lo khat ngen in ci in sawl hi. A tanu sia a laa tung pan tuaksuk a, tuaciang Celeb in bang dei ni ziam ci in dongh hi.

¹⁹Ama in, “Tuicing pawlkhat omna mun dei khi hi, leitang nong piakte sia munko hi thong hi,” ci in zo hi. Tua ahikom Caleb in ciktui omna a thunghsang le a dopsang teng pia hi.

²⁰Judah nam innkuante ii nga, ngam le lei sia hi teng ahi hi.

²¹Amate ii neisa a thangsang khakbel khuapite, Edom ngamngi taw a kinai teng sia Kabzeel, Eder, Jagur,

²²Kinah, Dimonah, Adadah,

²³Kedesh, Hazor, Ithnan,

²⁴Ziph, Telem, Bealoth,

²⁵Hazor Hadattah, Kerioth Hezron (ahibuale Hazor),

²⁶Amam, Shema, Moladah,

²⁷Hazar Gaddah, Heshmon, Bethpelet,

²⁸Hazar Shual, Beersheba, Biziothiah,

²⁹Baalah, Iim, Ezem,

³⁰Eltolad, Chesil, Hormah,

³¹Ziklag, Madmannah, Sansannah,

³²Lebaoth, Shilhim, Ain le Rimmon hi a: a kiim a om khuate taw a vekpi in khuapi 29 pha hi.

³³Mualpeang ah a om khuapite sia, Eshtaol, Zorah, Ashnah,

³⁴Zanoah, Engannim, Tappuah, Enam,

³⁵Jarmuth, Adullam, Socoh, Azekah,

³⁶Shaaraim, Adithaim, Gederah le Gederothaim hi a: a kiim a om khuate taw khuapi sawm le li pha hi.

³⁷Tuasung zongh ah, Zenan, Hadashah, Migdalgad,

³⁸Dilean, Mizpah, Joktheel,

³⁹Lachish, Bozkath, Eglon,

⁴⁰Cabbon, Lahmam, Chitlish,

⁴¹Gederoth, Bethdagon, Naamah le Makkedah hi a: a kiim a om khuate taw a vekpi khuapi sawm le luk pha hi.

⁴²Tuasung ah a om a dang pan Libnah, Ether, Ashan,

⁴³Iphtah, Ashnah, Nezib,

⁴⁴Keilah, Achzib le Mareshah hi a: a kiim a om khuate taw khuapi kua pha hi.

⁴⁵Tuasung ah Ekron sia a khuate le a khuanote taw om hi,

⁴⁶tuaciang Ashdod nai, Ekron pan Mediterranean Tuipi dong a, a om khuapite le khuate theampo ahi hi.

⁴⁷Tualai ah Ashdod le Gaza om a, tuate ii khuate le khuanote taw om a, Egypt ngamngi ahi lui le Mediterranean Tuipi vaalbo dong ahi hi.

⁴⁸Mualtung ngam ah Shamir, Jattir, Socoh,

⁴⁹Dannah, Kiriath Sepher (ahibuale Debir)

⁵⁰Anab, Eshtemoa, Anim,

⁵¹Goshen, Holon le Giloh om a: a kiim a om khuate taw khuapi sawm le khat pha hi.

⁵²Tuate sungah Arab, Dumah, Eshan,

⁵³Janim, Beth Tappuah, Aphekah,

⁵⁴Humtah, Hebron le Zior om a: a kiim a om khuate taw khuapi kua ahi hi.

⁵⁵Tuate sungah Maon, Carmel, Ziph, Juttah,

⁵⁶Jezreel, Jokdeam, Zanoah,

⁵⁷Kain, Gibeah le Timnah om a: a kiim a om khuate taw khuapi sawm ahi hi.

⁵⁸Tualai ah Halhul, Bethzur, Gedor,

⁵⁹Maarath, Bethanoth le Eltekon om a: a kiim a om khuate taw khuapi luk ahi hi.

⁶⁰Kiriath Baal (ahibuale Kiriath Jearim) le Rabbah om a: a kiim a om khuate taw khuapi nii ahi hi.

⁶¹Sennealngam sungah Beth Arabah, Middin, Secacah,

⁶²Ci khuapi Nibshan le Engedi om a: a kiim a om khuate taw khuapi luk ahi hi.

⁶³Ahihang Judah mite in Jerusalem a teang Jebus te notkeak zo ngawl hi. Tualai ah Jebus te sia Judah mite taw teang lai uh hi.