Read Siyin Chin Joshua 19 Bible Online

Joshua 19 - Siyin Chin bible

Joshua 19

¹A niina a kipia sia Simeon nam innkuante atu hi. A ngam sia Judah nam atu a kipia ngam sungah kithungsuk hi.

²Tuasung ah Beersheba, Sheba, Moladah,

³Hazar Shual, Balah, Ezem,

⁴Eltolad, Bethul, Hormah,

⁵Ziklag, Beth Marcaboth, Hazar Susah,

⁶Beth Lebaoth le Sharuhen kihel a: a kiim a khuate taw khuapi sawm le thum ahi hi.

⁷Tuaban ah, Ain, Rimmon, Ether le Ashan om a: khuapi li le a kiim a khuate taw ahi hi.

⁸Hi khuapite kiim ah a om khuate theampo kihel a thang sangah Baalath Beer (ahibuale Ramah) dong ahi hi. Hi ngam sia Simeon nam innkuante ii nga ngam ahi hi.

⁹Judah a kipia sia amate kisapna sangin lianzaw ahikom a ngam khen khat Simeon nam kipia hi.

¹⁰A thumna a kipia sia Zebulun nam innkuante atu hi. Amate nga leitang sia Sarid dong ban hi.

¹¹Tua mun panin ngamngi sia nitumna sang Mareal ah pai in, Dabbesheth le Jokneam nisuana ah a om lui sia ban hi.

¹²Sarid ii langkhat panin nisuana Chisloth Tabor te ngamngi ah, tua zawkciang Daberath le Japhia dong pai hi.

¹³Tua mun pan nisuana sangah paisuak a, Gath Hepher le Ethkazin ah, tuaciang Neah sangah kiheak in, Rimmon paina sang zuan hi.

¹⁴Saksang ngamngi sia Hannathon sangah kiheak, Iphtahel Kuam ah tawp hi.

¹⁵A ngam sungah Kattath, Nahalal, Shimron, Idalah le Bethlehem kihel a: a kiim a khuate taw kopin khuapi sawm le nii ahi hi.

¹⁶Hi khuapite le a khuate sia Zebulun nam innkuante ii a nga ngam sia sungah om hi.

¹⁷A lina ah a kipia sia Issachar nam innkuante atu ahi hi.

¹⁸A ngam sungah Jezreel, Chesulloth, Shunem,

¹⁹Hapharaim, Shion, Anaharath,

²⁰Rabbith, Kishion, Ebez,

²¹Remeth, Engannim, Enhaddah le Bethpazzez te kihel hi.

²²Ngamngi sia zong Tabor, Shahazumah le Beth Shemesh ban a, Jordan ah tawp hi. A kiim a om khuate taw khuapi sawm le luk ahi hi.

²³Hi khuapi te le a khuate sia Issachar nam sung a innkuante neisa tu in a nga ngam sungah om hi.

²⁴A ngana a kipia sia Asher nam innkuante atu ahi hi.

²⁵Tua ngam ah Helkath, Hali, Beten, Achshaph,

²⁶Allam Melech, Amad le Mishal kihel hi. Nitumna sangah a ngamngi in Carmel le Shihor Libnath baan hi.

²⁷Nisuana sang a zot ciang, ngamngi sia Bethdagon ah pai in, Zebulun le Iphtahel Kuam baan in saksang Bethemek le Neiel ah pai hi. Tuasia a saksang Cabul,

²⁸Ebron, Rehob, Hammon le Kanah, Sidon dong paisuak hi.

²⁹Ngamngi sia Ramah ah kiheak a, a khua kulhpi taw a ki uum Tyre dong theng hi; tua mun pan Hosah ah kiheak a, Mediterranean Tuipi ah tawp hi. A ngam sia Mahalab, Achzib,

³⁰Ummah, Aphek le Rehob kihel a: khuapi kulh le nii le a kiim khuate taw ahi hi.

³¹Hi khuapite le a khuate sia Asher nam innkuante neisa tu in a nga ngam sungah om hi.

³²A lukna a kipia ngam sia Naphtali nam innkuante atu ahi hi.

³³A ngamngi sia Heleph pan pai a, Zaanannim ah a po oak thingkung ah, Adaminekeb le Jamnia ah, tuaciang Lakkum dong paitanin Jordan ngun ah tawp hi.

³⁴Tua mun pan ngamngi sia nitumna sangah kiheak a, Aznoth Tabor ah, tua mun pan Hukkok ah, tuaciang thang sangah Zebulun, nitumna sangah Asher, nisuana sangah Jordan taw kipha hi.

³⁵Kulhpi taw ki uum a khuapite sia Ziddim, Zer, Hammath, Rakkath, Chinnereth,

³⁶Adamah, Ramah, Hazor,

³⁷Kedesh, Edrei, Enhazor,

³⁸Yiron, Migdalel, Horem, Bethanath le Beth Shemesh hi a: a kiim khuate taw kopin khuapi sawm le kua ahi hi.

³⁹Hi khuapite le a khuate sia Naphtali nam innkuante neisa tu in a kipia ngam sungah om hi.

⁴⁰A sali na a kipia ngam sia Dan nam innkuante atu ahi hi.

⁴¹A ngam sia Zorah, Eshtaol, Irshemesh,

⁴²Shaalbim, Aijalon, Ithlah,

⁴³Elon, Timnah, Ekron,

⁴⁴Eltekeh, Gibbethon, Baalath,

⁴⁵Jehud, Beneberak, Gathrimmon,

⁴⁶Mejarkon le Rakkon, tuaciang Joppa kiim a ngam zongh kihel hi.

⁴⁷Dan mite in a ngam a taan uh ciang, amate Laish ah pai in sim uh hi. Amate in a khua la in, a mite that a, tuaciang amate ii neisa suaksak hi. Amate sia tua munah teang in, a khuapi min sia Laish pan a taanghpupi Dan min taw laih uh hi.

⁴⁸Hi khuapite le a kiim a khuate sia Dan nam innkuan te neisa tu in a nga ngam le lei ah om hi.

⁴⁹Israel mite in ngam le lei a hawmna teng a man uh ciang Nun tapa Joshua ii neisa tu in ngam khen khat pia uh hi.

⁵⁰TOPA thupiak bangin, ama ii nget khuapi: Timnath Serah kipia a, Ephraim mualtung ngam sungah om hi. Ama in khuapi puua kik in tua munah teang hi.

⁵¹Thiampi Eleazar, Nun tapa Joshua le Israel nam teng ii innkuan lampuite in hi ngam le lei sia a hawm uh ciang, TOPA ii ompuina Puanbuk kongbiang Shiloh ah, TOPA a dokna in laimee sawk uh hi. Hi bangin amate in a ngam hawmna teng man uh hi.