Read Siyin Chin Joshua 21 Bible Online

Joshua 21 - Siyin Chin bible

Joshua 21

¹Levi innkuan lampuite sia thiampi Eleazar, Nun ii tapa Joshua le Israel nam theampo te ii innkuan lutangte kungah pai uh hi.

²Tualai Canaan ngam Shiloh ah hi bangin kison hi, “TOPA ii Moses tungtawnin a thupiakna pan, ko sia khuapite hong kipia tu a, ngan tat natu tua khuate ii kiim le paam lozaute zongh hong kipia tu ci hi.”

³Tua ahikom TOPA ii thupiakna taw kizui in Israel te in Levi te sia amate ngamsung pan khuapi pawlkhat le ngan tat natu leitang pia uh hi.

⁴Kohath bee le phung pan Levi innkuante sia a masabel in khuapite kipia hi. Thiampi Aaron suan le paal innkuante sia Judah ngam, Simeon ngam, le Benjamin ngamsung panin khuapi sawm le thum kipia hi.

⁵Kohath beete sung a om lai teng sia Ephraim, Dan le Nitumna Manasseh ngam teng sung pan khuapi sawm kipia hi.

⁶Gershon bee le phung sia Issachar, Asher, Naphtali, Nisuana Manasseh ngam teng sung pan khuapi sawm le thum kipia hi.

⁷Merari phung sung pan innkuante sia, Reuben, Gad, le Zebulun ngam teng sung pan khuapi sawm le nii kipia hi.

⁸TOPA ii Moses tung thu a piak bangin Levi te sia khuapite le ngan tha natu lozaute Israel mite in laimee sawkin pia uh hi.

⁹Levi suan, Kohath ii bee le phung pan Aaron suan le paal te atu in Judah ngam le Simeon ngamsung pan a kipia khuapite min teng hi teng ahi hi. Amate a kipiakna sia a masabel ahi hi.

¹¹Amate tungah Arba khuapi (Arba sia Anak ii pa hi), tu in Hebron kici, Judah mualtung ngam a om khuapi le a kiim nganthana leitang taw kop in kipia hi.

¹²Ahihang khuapi ii lote le a kiim a khuate sia Jephunneh tapa Caleb a kipiasa ahi hi.

¹³Hebron (bukna khuapite sung pan khat) taw kikop in a nuai a khuapi teng sia thiampi Aaron suante kipia hi: Libnah,

¹⁴Jattir, Eshtemoa,

¹⁵Holon, Debir,

¹⁶Ain, Juttah le Beth Shemesh a ngan tatna leitangte taw: Judah le Simeon namte pan khuapi kua ahi hi.

¹⁷Benjamin ngam panin amate sia khuapi li: Gibeon, Geba,

¹⁸Anathoth le Almon, nganthana mun teng taw kipia hi.

¹⁹A vekpi in khuapi sawm le thum, a ngan tat natu leitangte taw Aaron ii suan thiampi te kipia hi.

²⁰Kohath ii phung sung Levi innkuan dangte atu Ephraim ngamsung pan khuapi pawlkhat kipia hi.

²¹Amate tungah khuapi li: Shechem le a nganthana Ephraim (bukna khuapi khat hi), mualtung ngam Gezer,

²²Kibzaim le Beth Horon, a nganthana leitangte kipia hi.

²³Dan ngamsung pan amate tungah khuapi li: Eltekeh, Gibbethon,

²⁴Aijalon le Gathrimmon, a nganthana leitangte taw kipia hi.

²⁵Nitumna Manasseh ngam pan amate tungah khuapi nii: Taanach le Gathrimmon, nganthana leitangte taw kipia khawm hi.

²⁶Hi Kohath bee le phung innkuante in a kingawmin khuapi sawm le a nganthana teng nga hi.

²⁷Levi mi pawl dangkhat Gershon ii bee le phungte in Nisuana Manasseh ngam pan khuapi nii: Bashan ah Golan (bukna khuapi khat) le Beeshterah, a nganthana leitangte taw nga khawm uh hi.

²⁸Issachar ngam panin amate in khuapi li: Kishion, Daberath,

²⁹Jarmuth le Engannim, a nganthana leitangte taw kopin nga khawm uh hi.

³⁰Asher ngam panin amate in khuapi li: Mishal, Abdon,

³¹Helkath le Rehob, a nganthana leitangte taw nga khawm uh hi.

³²Naphtali ngam pan amate in khuapi thum: Galilee ah Kedesh, a nganthana leitangte taw (bukna khuapi khat), Hammoth Dor, le Karta'n, a nganthana leitang taw nga khawm uh hi.

³³Gershon bee le phung pan innkuante in a vekpi a kingawm khuapi sawm le thum le a nganthana leitang teng taw nga khawm uh hi.

³⁴Merari bee le phung pan Levi mi a taanglaite in Zebulun ngam panin khuapi li: Jokneam, Kartah,

³⁵Dimnah le Nahalal, a nganthana leitang taw nga khawm uh hi.

³⁶Reuben ngam panin amate in khuapi li: Bezer, Jahaz,

³⁷Kedemoth le Mephaath, a nganthana leitang taw nga khawm uh hi.

³⁸Gad nam tung pan amate in khuapi li: Gilead pan Ramoth, a nganthana leitang taw (bukna khuapi khat) Mahanaim,

³⁹Heshbon le Jazer, a nganthana leitang taw kopin nga khawm uh hi.

⁴⁰Tua ahikom Merari bee le phung a kipia khuapi sia sawm le nii ahi hi.

⁴¹Israel te neisa ngam le lei panin a kingawm khuapi sawmli le liat le a kiim nganthana leitang teng sia Levi te kipia hi.

⁴³Tua ahikom, TOPA in Israel te sia a taanghpupite tungah a ciliap huai kamciam a piaksa ngam le lei theampo pia hi. Amate in tuasia a nga zawk uh ciang, tua munah teang uh hi.

⁴⁴TOPA in a taanghpupite tungah kamciam a piaksa bangma in, ngamsung bup ah kilemna pia hi. A ngalte theampo sung pan khat zongh in amate nalh zo ngawl hi, banghang ziam cile TOPA in a ngalte theampo zaw zawkna Israel te pia hi.

⁴⁵TOPA in Israel mite tungah kamciam a piak theampo kholet hi.