Read Siyin Chin Hebrew te 2 Bible Online

Hebrew te 2 - Siyin Chin bible

Hebrew te 2

¹Tua hu in ei in thumaan thu ih zaak te pan, lam ih pial ngawl natu in ih kholet seseam kul hi.

²Vantunglalangte in ih taanghpupite tungah a thupiakte maan hi ci in lak hi, tuaciang a zui ngawl a ni ngawl khat pawpo sia ama taw a kiphu in daan thuak tu hi.

³Tua hi a, hi zata in a lian ngupna thusim buathong leang bangbangin suakta tu hi ziam? Topa ama mama in hi ngupna thangsak masa a, tuaciangin a zate in ei tungah tua thu a maanna hong lak zo hi.

⁴Tua kawmkaal ah Pathian in nalamdang laknate, a tumdang tuatuamte vawtna le, Thaa Thiangtho letsong te ama ii a dei bangin a hawmsakna taw in amate tetti panna tungah tetti panna belap thua hi.

⁵Pathian in hong pai tu ci in ih son leitung thak sia, a uk tu in vantunglalangte a koi bua hi.

⁶Tua hi ngawl zaw in Laithiangtho mun khat ah: “Pathian awng, mihingte sia bang hi a; tuaza in banghang thinbot ni ziam? mihing ma hi lel napi a bang tu in thinnuammaw ni ziam?

⁷Vantunglalangte sangin a niamzaw in tawmvei sung na koi a; upatna le minthanna ama na khusak hi,

⁸tuaciang na theampo tungah a uk tu in na vawt hi.” Pathian in mihing sia “na theampo a uk tu” in vawt hi, ci hi. Hi thu in na theampo huam siat hi. Ahihang tu laitak hunin, mihing in na theampo uk hi, ci in ih mu bua hi.

⁹Ahihang Pathian ii thuthiamna tungtawnin, mihing theampo atu a thi tu in, vantunglalangte sangin tawmvei hunsung teng a niamzaw in a kivawt Jesus ih mu hi. Thina a thuak hu in tu in minthanna le upatna lukhu a khuk ih mu hi.

¹⁰Ta tam mama in ama ii vaangletna a siim thei natu in, na theampo bitphua in a keam Pathian in, Jesus sia a thuakna tungtawnin a cialcing pa a suasak tu sia a maan thu hi takpi hi. Banghang ziam cile amate ngupna sung a then sia Jesus ahi hi.

¹¹Ama in mihingte sia a mawnate uh panin, thiansua a, tuaciang ama le tuabangin a kithiansua sa theampo in, Pa kibang a nei uh hi. Tua hu in Jesus in, amate sia innkuanpui a nak tu in, a mai a zum bua hi.

¹²Ama in Pathian munah, “Ka mite munah na sep sa teng ka son tu hi; amate ii a kikhopna sungah nang kong pok tu hi,” ci hi.

¹³Ama in, “Ka muanna sia Pathian tungah ka nga tu hi,” ci hi. Tuaciang, “Hi sungah Pathian ii kei hong piak tanote taw ka om hi,” zongh ci lai hi.

¹⁴Ama ci bangin tua tanote sia chi le sa taw a om mihingte ahi bangma, Jesus ama mama zongh amate bang hong suak a, amate mihing pianzia teng hong siim hi. Hi bang a hina sia banghang ziam cile ama thina tungtawnin thina tungah vaang a nei doaimangpa a lalcipsak natu hi a,

¹⁵thina a kiitak hu in a nuntak sung teng sila a, a kaai mihingte tuabangin suaktasak hi.

¹⁶Banghang ziam cile ama ii huna a piakte sia vantunglalangte hi ngawl hi ci in kitelthiang hi. Tua hi ngawl zawin, ama in Abraham ii suan le paalte a hu hizaw hi.

¹⁷Hisia hu in ama in a suapuite taw na theampo sungah a kiban uh kul hi, banghang ziam cile mihingte a mawna pan mawmaisakna kipiak thei natu in, Pathian na a sepna ah, a thumaan ngual a hesuak thei Thiampi Lianbel a sua natu ahi hi.

¹⁸Tu in ama in ze etna a thuakte sia hu thei hi. Banghang ziam cile ama mama zongh kize et zo a, thuak ngei zo hi.